மடிக்கணணி பேட்டரியின் நேரத்தை அதிகரிக்க

அனேகமாக தற்போது அதிகமானவர்கள் மடிக்கணணி பயன்படுத்துபவர்களாக இருப்பீர்கள். நீங்கள் உங்கள் மடிக்கணணியின் Battery Life பற்றி கவலைப்படுகிறீர்கள் என்றால் அதை அதிகரிக்க சில வழிமுறைகளை பின்பற்றலாம். Ubuntu ஐ பயன்படுத்துங்கள்: அதாவது நீங்கள் Ubuntu பயன்படுத்தினால் Memory இன் தலையில் கட்டப்படும் வேலைப்பளு குறைக்கப்படும். இதனால் உங்கள் Battery  மற்ற OS பயன்படுத்திய போது பயன்பட்டதை விட குறைவாகவே Ubuntu பயன்படுத்தும் போது செலவாகும். Wireless சாதனங்கள்: உங்களுக்கே தெரியும் Wireless சாதன பாவனை எப்படி Battery இன் வாழ்கையை குறைக்கும் என்று. இதில் முக்கிய அறிவுரை என்ன வென்றால் Battery ஆனது Charge இல் இருக்கும் போது Wi-fi மற்றும் Bluetooth என்பன பாவனையில் இல்லாத போது அவற்றை off செய்யவும். திரை விளைவுகளை சரி செய்தல்: Battery  கொஞ்சம் அதிக நேரம் வேலை செய்யணும் என்றால் திரையின் Brightness ஐ உங்கள் வசதிக்கு ஏற்ற படி குறைத்துக் கொள்ளுங்கள். USB மற்றும் CD/DVD: இவையும் Wireless போல தான் இவ்வாறான சாதனங்கள் பாவனையில் இல்லாத போது அவற்றை துண்டித்து விடுதல் நல்லது. மேலும் i-POD ஐ மடிக்கணணியில் Charge போடுவது ஒரு சரியில்லாத வேலை தான். கொஞ்சம் அதிகமான RAM: குறிப்பாக சொல்லபோனால் RAM இன் தொழில்பாடு மிகையானால் அது தற்காலிக விளைவாக உங்கள் Hard Disk இன் வேலையை அதிகரிக்கும். அதுவும் உங்கள் Battery ஐ குறைக்கலாம். எனவே கொஞ்சம் அதிகமான RAM போட்டால் உங்கள் Battery கொஞ்சம் கூட வேலை செய்யும். Background applications: உங்கள் கணனியில் Background Apps கள் CPU இன் வேலைப்பளுவை அதிகரிக்கும். குறிப்பாக Messengers, Clock Apps போன்றன. இவை தேவையில்லாத நேரங்களில் நிறுத்தி விடப்படுவது சிறந்தது. Battery ஐ charge இல் போடும் நேரம்: Battery எந்நேரமும் Charge இல் போடுவது ஒரு தவறான வேலை. Battery இல் உள்ள இலத்திரன்கள் ஒழுங்காக ஓடுவதை நிச்சயப்படுத்த நீங்கள் தூங்கும் போது வாரத்தில் ஒரு முறையாவது Charge இல் இருந்து துண்டித்து விடுங்கள்.

Read More

Virtual PC

சென்ற வாரம் வேர்ச்சுவல் கணினி என்றால் என்ன எனப் பார்த்தோம். இன்று வேர்ச்சுவல் கணினியில் ஒரு இயங்கு தளத்தை எவ்வாறு நிறுவு வது எனப் பார்ப்போம்.

மைக்ரோஸொப்ட் வேர்ச்சுவல் பீசி மென்பொருள் கொண்டு விண்டோ ஸின் எப்பதிப்பையும் வேர்ச்சுவல் கணினியில் இயங்கு தளமாக நிறுவிக் கொள்ளலாம். விண்டோஸ் மட்டுமன்றி விண்டோஸ் அல்லாத லினக்ஸ் போன்ற வேறு இயங்கு தளங்களையும் கூட நிறுவிக் கொள்ளலாம்.

இங்கு பிரதான இயங்கு தளமான விண்டோஸ் எக்ஸ்பீயில் லினக்ஸின் Ubuntu பதிப்பை வேர்ச்சுவல் கணினியில் எவ்வாறு நிறுவுவது எனச் சொல்லலாம் என நினைக்கிறேன்.

வேர்சுவல் கணினியை உருவாக்குவதற்கு முதலில் உங்கள் கணினி ஆகக் குறைந்த தேவைகளைப் பூர்த்தி செய்வதாயிருத்தல் வேண்டும். உங்கள் கணினியில் நிறுவியிருக்கும் பிரதான இயங்கு தளம் சிக்கலின்றி இயங்கவும் நிறுவவிருக்கும் ஏனைய வேர்ச்சுவல் இயங்கு தளங்களை சிறப்பாக செயற்படவும் போதிய அளவு நினைவகமும் ஹாட் டிஸ்கில் காலியிடமும் இருத்தல் அவசியம். நினைவகத்தின் அளவு அதிகமிருப் பின் ஒன்றுக்கு மேற்பட்ட வேர்சுவல் கணினிகளை உருவாக்Bக் கொள்ளலாம்.

வேர்ச்சுவல் கணினியில் இயங்கு தளமொன்றை நிறுவத் தேவையான நினைவகத்தின் அளவு ஹாட் டிஸ்க் காலியிடம் என்பவற்றினை அறிந்து கொள்ள பின்வரும் அட்டவணை உதவியாயிருக்கும் என நம்பு கிறேன்.

Operating System Memory Hard Disk Space

Windows 98 Second Edition 64 MB 500 MB

Windows 2000 Professional 128 MB 2 GB

Windows XP Professional 256 MB 2 GB

Windows Server 2003 256 MB 4 GB

Windows Vista Ultimate 512 MB 15 GB

முதலில் வேர்சுவல் பீசீ மென்பொருளை கணினியில் நிறுவிக் கொள்ளுங்கள். நிறுவிய பிறகு ஸ்டாட் மெனுவிலிருந்து அதனைத் இயக்குங்கள். அப்போது ஒரு விசர்ட் தோன்றும். இங்கு Use default settings to create a virtual machine தெரிவு செய்வதன் மூலம் வேர்ச்சுவல் ஹாட் டிஸ்க் தவிர எல்லா செட்டிங்ஸையும் வேர்ச்சுவல் கணினியே நிர்ணயித்துக் கொள்ளும். இதன் மூலம் இலகுவாக இரண்டாவது கட்டத்திற்கு வந்து சேரலாம். எல்லா செட்டிங்ஸையும் நீங்களாகக் குறிப்பிட Create a Virtual Machine என்பதை க்ளிக் செய்யுங்கள்.

அப்போது தோன்றும் பெட்டியில் வேர்ச்சுவல் மெசீன் பெயரையும் அதனை உருவாக்க வேண்டிய இடத்தையும் குறிப்பிடல் வேண்டும். இங்கு Ubuntu என டைப் செய்து அடுத்த கட்டத்திற்கு தாவுங்கள். வேர்ச்சுவல் மெசீனை உருவாக்க வேண்டிய இடத்தைக் குறிப்பிடா விட்டால் டிபோல்டாக My Virtual Machines போல்டரில் உருவாக்கப்படும்.

அடுத்து நிறுவவிருக்கும் இயங்கு தளத்தைத் தெரிவு செய்யுங்கள். Ubuntu என்பது விண்டோஸ் அல்லாத இயங்குதளமாதலால் இங்கு Other தெரிவு செய்யுங்கள்.

அடுத்து நினைவகத்தின் அளவைக் குறிப்பிடல் வேண்டும் இங்கு வேர்ச்சுவல் கணினி சிறப்பாக இயங்குவதற்கும் அதன் மேல் மேலும் பல பயன்பாட்டு மென்பொருள்களை நிறுவவும் அதிக நினைவகத்தை ஒதுக்க வேண்டும். அதற்கு நீங்கள் Adjusting RAM க்ளிக் செய்து நினைவகத்தின் அளவைக் கூட்டிக் கொள்ளலாம். நினைவகத்தின் அளவைக் கூட்ட அவசிய மில்லை எனின் Using the recommended RAM தெரிவு செய்து அடுத்த கட்டத்திற்குச் செல்லலாம்.

அடுத்த கட்டத்தில் வேர்ச்சுவல் ஹாட் டிஸ்கை குறிப்பிட வேண்டும். இங்கு A new virtual hard disk என்பதைத் தெரிவு செய்து அடுத்த கட்டத்திற்குச் செல்லுங்கள். இங்கு வேர்ச்சுவல் ஹாட் டிஸ்காக rowse பட்டனில் க்ளிக் செய்து ஒரு இடத்தையும் அதற்கான பெயரையும் குறிப்பிடலாம். அவ்வாறு குறிப்பிடா விட்டால் டிபோல்டாக My Virtual Machines போல்டரில் ஒரு பைலை உருவாக்கிக் கொள்ளும். வேர்ச்சுவல் ஹாட் டிஸ்க் என்பது நிஜக் கணினியில் ஒரு பைலையே குறிக்கிறது.

அடுத்து Next க்ளிக் செய்து அடுத்த கட்டத்திற்குத் தாவி Finish க்ளிக் செய்து முடிவுக்கு வரலாம்.

இப்போது வேர்ச்சுவல் மெசீனை உருவாக்குவதில் முதல் கட்டம் முடிவுக்கு வருகிறது. ஆனால் இன்னும் வேர்ச்சுவல் கணினியில் இயங்கு தளத்தை நிறுவும் பணி பூர்த்தியாகவில்லை.

இரண்டாவது கட்டமாக புதிய ஒரு இயங்கு தளத்தை வேர்சுவல் மெசீனில் நிறுவ வேண்டும். இங்கு நாங்கள் Ubuntu பதிப்பை நிறுவப் போகிறோம். இதற்கு உங்களிடம் Ubuntu சீடி இருத்தல் வேண்டும். (இந்த Ubuntu சீடீயை Ubuntu நிறுவன இணையதளத்திற்குச் சென்று விண்ணப்ப்ப்பதன் மூலம் இலவசமாக வீடு தேடி வர வைக்கலாம்) சீடீ இல்லா விடின் இணையத்திலிருந்தும் டவுன்லோட் செய்து கொள்ளலாம். எனினும் அதன் பைல் அளவு 600 எம்பீயிற்கு மேல் இருப்பதால் அதிவேக இணைய இ¨ணைப்பிருந்தால் மட்டுமே சாத்தியம். இணையத் திலிருந்து டவுன்லோட் செய்த பைலாயின் அது .ISO இமேஜ் பைல் வடிவிலிருக்கும். எனினும் அதனை சீடியில் பதிவு செய்து கொள்ள வேண்டிய அவசியமில்லை.

இப்போது Virtual PC Console விண்டோவில் ஸ்டார்ட் பட்டனில் க்ளிக் செய்யுங்கள். அப்போது ஒரு விண்டோ தோன்றி சுவல் மெசீன் பூட் ஆக ஆரம்பிக்கும். ஒரு இயங்கு தளத்தை கணினியில் நிறுவும் போது எவ்வாறு காண்பீர்களோ அத்தனை படி முறைகளையும் இந்த விண்டோவிலும் காணலாம்.

வழமையான சிஸ்டம் சோதனைக்குப் பின்னர் பூட்டபல் சீடியை தேட ஆரம்பிக்கும். இங்கு வேர்ச்சுவல் மெசீன் விண்டோவில் CD க்ளிக் செய்து பின்னர் Capture ISO Image என்பதைக் க்ளிக் செய்து .ISO பைலை சேமிக்கப் பட்டிருக்குமிடத்தைக் காட்டி விட வேண்டும்.

.ISO பைல் அல்லாது சீடியிலிருந்தே நிறுவ வேண்டுமாயின் சீடீயை ட்ரைவிலிட்டு சீடீ மெனுவில் Use Physical Drive க்ளிக் செய்து பின்னர் Action மெனுவில் Reset க்ளிக் செய்து விடுங்கள். இப்போது சீடி ட்ரைவிலிருந்து பூட் ஆக ஆரம்பிக்கும்.

இனி வரும் ஒவ்வொரு கட்டமும் வழமையான ஒரு இயங்கு தளத்தை நிறுவுவது போன்றதே.

Read More

இணையதளம் வடிவமைக்க உதவும் ஓன்லைன் எடிட்டர்

இணையதள வடிவமைப்புக்கு உதவும் மொழிகளில் அடிப்படை மொழியான HTML மொழியை எழுதும் போதே உடனுக்கூடன் சோதித்து தெரிந்து கொள்ளும் பொருட்டு ஓன்லைன் மூலம் ஒரு HTML எடிட்டர் வந்துள்ளது. தற்போது இணையதளத்தை தாமாகவே வடிவமைப்பதில் பலதரப்பட்ட மக்களிடத்திலும் விருப்பம் அதிகமாகி வருகிறது. இணையதள வடிவமைப்பின் அடிப்படை மொழியான HTML கற்றுக்கொள்ள விருப்பம் உள்ளவர்களுக்கு HTML பற்றிய அடிப்படை அறிவை உடனடியாக வளர்ப்பதற்காக ஒரு தளம் நமக்கு உதவுகிறது. சாதாரண Notepad ல் கூட நாம் Html மொழியை தட்டச்சு செய்து நம் உலாவில் சோதித்து பார்க்கலாம். ஆனால் இந்தத் தளத்திற்கு சென்று இடது பக்கம் Html மொழியை தட்டச்சு செய்தால் உடனடியாக வலது பக்கத்தில் Output உடனுக்கூடன் காட்டப்படுகிறது. Html மொழி கற்க விரும்புபவர்கள் ஒவ்வொரு Html கட்டளையும் உலாவியில் எப்படி இயங்குகிறது என்று உடனடியாக சரிபார்க்கலாம். இணையதளத்தின் அடிப்படை மொழியை கற்க விரும்பும் அனைவருக்கும் இந்தத்தளம் பயனுள்ளதாக இருக்கும். இணையதள முகவரி

Read More

கையடக்கத் தொலைபேசி பயன்படுத்துபவர்களுக்கு சில ஆலோசனைகள்

மொபைல் போன் தொடர்ந்து பயன்படுத்தினால் அதிலிருந்து வரும் கதிர்களால் நம் மூளை பாதிக்கப்படும் எனவும் அதெல்லாம் இல்லை எனவும் எதிர்மறையான விவாதங்களும் அது குறித்த ஆராய்ச்சிகளும் நடைபெற்றுக் கொண்டிருக்கின்றன. இருப்பினும் மொபைல் இயங்கும் போது கதிர்வீச்சு இருப்பது என்னவோ உண்மைதான். எனவே அது பாதிப்பினை ஏற்படுத்துகிறதா என்ற விவாதத்திற்குள்ளே போகாமல், சற்று பாதுகாப்பாகப் பயன்படுத்தலாமே. இயலுமானால் உங்கள் உடம்பிலிருந்து மொபைல் போனைச் சற்று தூரத்திலேயே வைத்துப் பயன்படுத்தவும். இதனால் கதிர் வீச்சு உங்கள் உடம்பை அடைவது குறையும். இதற்கு ஹேண்ட்ஸ் பிரீ செட்கள் கிடைக்கின்றன. போனைத் தள்ளி வைத்து அதனை வயருடன் இணைந்த அல்லது வயர் இல்லாமல் இணைப்பு ஏற்படுத்திப் பேசலாம், அழைக்கலாம். மொபைல் போனை அதிகம் மூடி வைக்க வேண்டாம். இதனால் சிக்னல்கள் வந்தடைவது சற்று தடுக்கப்படும். சிக்னல்களை எப்படியும் அடையவேண்டும் என்ற முயற்சியில் போனில் கதிர்வீச்சு அதிகமாகும். பேசும்போது கைகளால் போனை அதிகம் மூடுவதும் இதே விளைவினை ஏற்படுத்தும். எனவே போனைக் கீழாக அதனை அதிகம் மூடாமல் பிடித்துப் பேசவும். போனில் சிக்னல்கள் எந்த அளவில் பெறப்படுகின்றன என்பதைக் காட்டும் இன்டிகேட்டர் அனைத்து போன்களிலும் இருக்கும். இது குறைவாக இருக்கும் போது ரேடியேஷன் என்னும் கதிர்வீச்சு அதிகமாக இருக்கும். சரியாக இருக்கும் போது மிதமாக இருக்கும். மேலும் குறைவாக இருக்கையில் மின் சக்தியும் அதிகம் செலவழிக்கப்படும். எனவே சிக்னல் ரிசப்ஷன் குறைவாக இருக்கும் இடத்தில் இருந்து பேசுவதனைத் தடுக்கவும். உங்களிடம் லேண்ட் லைன் அருகிலேயே உள்ளதா? அனைத்து தொடர்புகளுக்கும் அதனையே பயன்படுத்தவும். கதிர்வீச்சு முற்றிலுமாக இருக்காது. மொபைல் போனில் குறைவான காலம் பேசவும். அதிகம் பேச வேண்டும் என்றால் தரைவழி இணைப்பைப் பயன்படுத்தவும். கார் மற்றும் இரு சக்கர வாகனங்கள் ஓட்டுகையில், ஏன் சைக்கிள் ஓட்டுகையிலும் மொபைல் போனைப் பயன்படுத்தவே, பயன்படுத்தவே கூடாது. நம் கவனம் நிச்சயமாய் திசை திருப்பப்பட்டு விபத்துக்கள் ஏற்படும் வாய்ப்பு அதிகமாகிறது. கட்டாயம் பேச வேண்டும் என்றால் வாகனத்தினை ஓரமாக நிறுத்திப் பேசவும். பல இளைஞர்கள் மொபைல் பேசுவதற்கு இடையூறாக இருக்கிறது என்று ஹெல்மட் போடாமல் இரு சக்கர வாகனங்களை ஓட்டுகிறார்கள். பாருங்கள், மொபைல் போன் இயங்காமலேயே எவ்வளவு ஆபத்தினைத் தருகிறது. அதிகமாக எலக்ட்ரிக்கல் அல்லது டிஜிட்டல் சாதனங்கள் இயங்கும் இடங்களில் மொபைல் போன் பயன்படுத்துவதனைத் தவிர்க்கவும். உங்களுக்கு சிக்னல் கிடைப்பது சிக்கலாவதுடன் அந்த சாதனங்கள் இயக்கமும் தடைபடலாம். மருத்துவ மனைகளில் இத்தகைய சாதனங்கள் உள்ள இடங்களில் பயன்படுத்துவதை அறவே தவிர்க்கவும். அந்த சாதனங்கள் சரியாகச் செயல்படுவதில் சிக்கல்கள் ஏற்படலாம். கம்ப்யூட்டர் மானிட்டர் அருகே இருக்கும் மொபைல் போனுக்கு அழைப்பு வருகையில் என்ன மாதிரி அலை வீச்சு உள்ளது என்று நீங்கள் பார்த்திருப்பீர்கள் என்று நினைக்கிறேன். அது போல மருத்துவ மனை சாதனங்களில் ஏற்பட்டால் அது சரியான முடிவுகளை மருத்துவருக்குத் தராதே. விமானத்தின் உள்ளேயும் மொபைல் போன் பயன்படுத்துவதனைத் தவிர்க்கவும். பயன்படுத்தலாம் என்று அறிவிப்பு வந்தால் மட்டுமே பயன்படுத்தவும். மற்ற நேரங்களில் ஸ்விட்ச் ஆப் செய்து வைப்பது நல்லது. சிறுவர்கள் அதிக நேரம் மொபைல் போன் பயன்படுத்துவதனை அனுமதிக்காதீர்கள். அவர்களை ஏன் கதிர்வீச்சுக்கு உள்ளாக்குகிறீர்கள். கர்ப்பிணிப் பெண்கள் மொபைல் போன் பயன்படுத்துவதனை அறவே தவிர்க்க வேண்டும் என செய்திகள் வந்தவண்ணம் உள்ளன. வயிற்றில் வளரும் குழந்தையை கதிர்வீச்சு பாதிக்கும் என்பதாலேயே இந்த ஆலோசனை. மொபைல் போனில் பேசுகையில் உங்கள் அருகே இருக்கும் நண்பர்கள் குறித்து சிறிது சிந்திக்கவும். அவர்களுக்கு நீங்கள் பேசுவதில் நிச்சயம் அக்கறை இருக்காது. எனவே சற்று தள்ளிச் சென்று அவர்களின் வேலை கெட்டுப் போகாத வகையில் பேசவும்.

Read More

கணணியில் பவர் பிளானை சரியாக திட்டமிட்டு அதிக சக்தியை சேமிக்கலாம்

அலுவலக அல்லது வீட்டுக் கணணியை நாள்முழுவதும் நிறுத்தாமல் பயன்படுத்துபவர்கள் பவர் பிளானை சரியாக செய்வதன் மூலம் கூடுதலான மின்சாரத்தை மிச்சம் பிடிக்கலாம். எனினும் இதற்கு விண்டொஸின் பவர் பிளானால் எதுவும் செய்ய முடியாது. Set Power எனும் டூலினால் நீங்கள் விரும்பியபடி கணணியில் பவர் பிளானில் மாற்றங்கள் செய்து கொள்ளமுடிகிறது. உதாரணமாக தொடர்ச்சியாக ஆன் செய்யப்பட்டிருக்கும் கணணியொன்றை காலை 7 மணியிலிருந்து மாலை 6மணிவரையே அதிகம் பயன்படுத்துகிறீர்கள் என்று வைத்துக்கொண்டால் அதன் பிறகு Sleep mode க்கு தானகவே செல்லுமாறு கட்டளைகளைத் தரலாம். இதன் மூலம் மின்சாரத்தை ஓரளவு சேமிக்கலாம். இதே போன்று இன்னும் ஏராளாமான அப்ஸன்கள் இந்த டூலில் உண்டு.

Read More

மொபைல் போன் மூலம் முட்டை அவிக்கலாம்

முட்டையை அவிக்கும் அளவிற்கு மொபைல் போனில் கதிர் வீச்சு வீரியமாக இருப்பது கண்டு பிடிக்கப்பட்டுள்ளது. மொபைல் மூலம் முட்டைகளை அவித்துக் காட்டி இரண்டு ரஷ்ய பத்திரிகையாளர்கள் சாதனை புரிந்துள்ளனர். இன்றைய நவீன காலத்தில் மொபைல் போன்கள் தவிர்க்க முடியாத ஒன்றாகி விட்டது. ஆனால் அதே நேரத்தில் அவை எந்த அளவு ஆபத்தான பாதிப்புகளை ஏற்படுத்தும் என்பதையும் நாம் மறந்து விடுவதற்கில்லை. மொபைல் போன்களிலிருந்து வெளியாகும் கதிர்வீச்சு எந்த அளவுக்கு வீரியமானவை என்பதை இரண்டு ரஷ்ய பத்திரிகையாளர்கள் சோதனை மூலம் செய்து காட்டியுள்ளனர். மொபைல் போன்களிலிருந்து வெளி வரும் கதிர்வீச்சு, முட்டைகளையே வேக வைக்க கூடியது என்பதை அவர்கள் நிரூபித்துள்ளனர். இதற்காக அவர்கள் ஒரு சிறிய மைக்ரோவேவ் கருவியை உருவாக்கி உள்ளனர். ஒரு மொபைல் போனிலிருந்து மற்றொரு மொபைல் போனை அழைத்து அவற்றை பேசக்கூடிய நிலையில் வைத்தனர். அதே நேரத்தில் அவற்றுடன் ஒரு டேப் ரிகார்டரை இணைத்து இரு போன்களுக்கு இடையே உரையாடல் நடப்பதாக காண்பித்து இரு போன்களும் தொடர்ந்து பேசும் நிலையில் இருக்கச் செய்தனர். 15 நிமிடத்தில் போன்களுடன் இணைக்கப்பட்டிருந்த மைக்ரோவேவ் கருவியில் வைக்கப்பட்டிருந்த முட்டை சூடேற ஆரம்பித்தது. 40வது நிமிடத்தில் முட்டையின் வெப்பம் கடுமையாகியது. 65வது நிமிடத்தில் முட்டை முழுவதுமாக வெந்து காணப்பட்டது. இந்த அளவுக்கு நீண்ட நேரம் எவரும் பேச வாய்ப்பு இல்லை என்றாலும் அவ்வாறு பேசினால் எத்தகைய பாதிப்பு ஏற்படும் என்பதையே இந்த சோதனை விளக்குகிறது. காதின் அருகில் இருக்கும் மூளைப் பகுதியை இந்த கதிர் வீச்சு எந்த அளவு பாதிக்கும் என்பதையும் இதன் மூலம் உணரலாம். 2 நிமிடம் தொடர்ந்து மொபைல் போனில் பேசினாலே அதிலிருந்து வரும் கதிர்வீச்சு, மூளையைப் பாதுகாக்கும் பகுதியில் ஊடுருவி விடும் என்பது விஞ்ஞானிகளின் கண்டுபிடிப்பு. எனவே மொபைல் போனை நீண்ட நேரம் பயன்படுத்தாமல் இருப்பது நல்லது. பிரியமானவர்களிடம் தொடர்ந்து பேசும் மொபைல் பிரியர்கள் சற்று யோசிக்க வேண்டிய கட்டாயத்தில் உள்ளனர். முடிந்தவரை சாதாரண போன்களை பயன்படுத்த வேண்டும் மொபைல் போனைத் தவிர்க்க முடியாதவர்கள், இயர் போனைப் பயன்படுத்துவது சற்று பாதுகாப்பானதாக இருக்கும் என்பதே இவர்களது அறிவுரை.

Read More