ஹார்ட்வேர் இடத்தில் சாப்ட்வேர்(SOFTWARE)

கம்ப்யூட்டர் வாங்கிப் பயன்படுத்தத் தொடங்கி சில மாதங்கள் அல்லது வருடங்கள் ஆன பின், சில சின்ன சின்ன விஷயங்கள் உடைந்து செயல்படாமல் போகலாம். கீ போர்டில் சில இயங்காமல் இருக்கலாம்;மானிட்டரின் பவர் ஸ்விட்ச் உள்ளாக உடைந்து செயல்படாமல் தொல்லை கொடுக்கலாம். இது போன்ற பிரச்னைகளில் நமக்கு சில சாப்ட்வேர் தொகுப்புகள் கை கொடுக்கின்றன. அவற்றை இங்கு பார்க்கலாம்.

1. மானிட்டர் ஸ்விட்ச்:

மானிட்டரை நாம் நேரடியாக பவர் பிளக் அல்லது யு.பி.எஸ். ப்ளக்கில் இணைத்திருப் போம். கம்ப்யூட்டரில் வேலை முடியும்போது, மானிட்டருக்கு வரும் மின்சாரத்தை நிறுத்த, மானிட்டரை ஸ்விட்ச் ஆப் செய்திடுவோம். இதற்கான புஷ் பட்டன் ஸ்விட்ச் அனைத்து மானிட்டர்களிலும் அதன் முன்புறத்தில் இருக்கும்.

இதன் தொடர் பயன்பாட்டால், இந்த ஸ்விட்ச் நாளடைவில் இயங்காமல் போய்விடும். அதற்காக நாம் வேறு மானிட்டரை வாங்குவது வீண் செலவு. இந்த செயல்பாட்டினை மேற்கொள்ள ஒரு சாப்ட்வேர் Monitor Off என்ற பெயரில் கிடைக்கிறது.

இதன் மூலம் மவுஸ் கர்சரை நகர்த்தியோ, அல்லது கீ போர்டில் ஒரு கீயை அழுத்தியோ மானிட்டருக்கு வரும் மின்சக்தியை நிறுத்தலாம். கூடுதலாக இன்னும் பல வசதிகளையும் இது தருகிறது. இதனை சோதித்துப் பார்க்க இலவசமாய் டவுண்லோட் செய்திடலாம். இணைய தள முகவரி:http://www.rtsoftwares.com/Utilities/TurnOffMonitor/setup.exe

2. சிடி ராம் டிரைவ் பட்டன்:

அடுத்ததாக நமக்குத் தொல்லை தருவது சிடி ராம் டிரைவின் பட்டன். பெரும்பாலான டிரைவ்களில் நமக்கு முதல் தொல்லை தருவது, சிடி ட்ரேயினை வெளியே, உள்ளே கொண்டு வரும் பட்டன் தான். பலர் இந்த ட்ரேயினை மூடுகையில் தங்கள் கைகளாலேயே தள்ளி மூடுவார்கள்.

திறக்க மட்டுமே பட்டனைப் பயன்படுத்துவார்கள். இது நாளடைவில் பட்டனை முடக்கிவிடும். அப்போது கம்ப்யூட்டரில் சிடி டிரைவ் ப்ராப்பர்ட்டீஸ் சென்று அந்த மெனுவில் எஜக்ட் பிரிவில் கிளிக் செய்து இதனைத் திறக்கலாம்.

ஆனால் மூடுவதற்கு பட்டன் வேலை செய்யவில்லை என்றால், கைகளால் தான் மூடுகிறோம். இதற்கான ஒரு சாப்ட்வேர் ட்ரே 2.5 (Optical Drive Tray)என்ற பெயரில் கிடைக்கிறது. இந்த பைலின் அளவு 713 கேபி. இதனைப் பயன்படுத்தி ஒன்றுக்கு மேற்பட்ட டிரைவ்களின் கதவுகளை இயக்கலாம். இதனைப் பெற அணுக வேண்டிய இணைய முகவரி: http://www.softpedia.com/prog Download/

3. ஆன் ஸ்கிரீன் கீ போர்டு :

இப்போது பல சாப்ட்வேர் APPLICATION களில் ஆன் ஸ்கிரீன் கீ போர்டு கிடைக்கிறது. இதில் மவுஸின் கர்சரைக் கொண்டு சென்று கீ போர்டுக்குப் பதிலாகப் பயன்படுத்தலாம். இந்த வகையில் இன்னும் சில முன்னேற்றங்களுடன் TouchIt 4.3.03 (On Screen Keyboard) என்னும் சாப்ட்வேர் கிடைக்கிறது.

இதன் மூலம் கீ போர்டுக்கான பல வசதிகளைப் பெறலாம். இதனைப் பெற இணையத்தில்http://www.softpedia.com/get என்ற முகவரிக்குச் செல்லவும்.

4. கீ போர்டு விளக்குகள்:

கீ போர்டில் நம் லாக், ஸ்குரோல் லாக், முக்கியமாக கேப்ஸ் லாக் அழுத்தப் பட்டிருக்கிறதா என்று அறிய, இந்த கீகளுக்கான சிறிய எல்.இ.டி. ஒளி கிடைக்கும்படி கீ போர்டில் தனி இடம் இருக்கும். நாளடைவில் இவை தங்கள் செயல்பாட்டை இழக்கும்.

இந்த விளக்குகளை மானிட்டர் திரையிலேயே காட்டும்படி சாப்ட்வேர் ஒன்று கிடைக்கிறது. இதன் பெயர் டி.கே. கீ போர்டு(DK:Keyboard) இதனை இயக்கிவிட்டால், திரையில் சிறிய பாப் அப் பலூன் குமிழ் விளக்காக, இந்த கீகள் அழுத்தப்படும் போது ஒளிரும். இதனைப் பார்த்த பலரும், கீ போர்டு நன்றாக இயங்கினாலும் இதனைப் பயன்படுத்தி வருகின்றனர். இதனைப் பெற http://www.softpedia என்ற முகவரியைப் பயன்படுத்தவும்.

5.மவுஸ்:

உங்கள் மவுஸ் திடீரென உடைந்து போய்விட்டதா? கீழே விழுவதனால் அல்லது தரையில் இருக்கையில் அதனை அறியாமல் மிதித்துவிடுவதனால் உடையும் வாய்ப்புகள் உண்டு. இதனை இன்னொரு மவுஸ் தான் ஈடு கட்ட முடியும்.

இருப்பினும் அவசரத் தேவைக்கு, உங்களிடம் பழைய ஜாய் ஸ்டிக் அல்லது கேம் பேட் (Game Pad) இருந்தால் அதனைப் பயன்படுத்தலாம். இதற்கான சாப்ட்வேர் பெயர் JMouse 1.0. இதனை இயக்கினால் அது இணைக்கப்பட்ட ஜாய் ஸ்டிக் அல்லது கேம் பேடினைப் புரிந்து கொண்டு மவுஸ் இயக்கத்தினைத் தருகிறது.

இந்த சாப்ட்வேர் http://www.softpedia.com/progDownload/JMouseDownload என்ற இணைய முகவரியில் இலவசமாகக் கிடைக்கிறது.

Read More

Unmovable Files என்றால் என்ன?

இயங்கு தளத்தினால் தற்போது பயன் படுத்தப்பட்டுக் கொண்டிருக்கும் பைல்களை அழிக்கவோ அல்லது இடமாற்றம் செய்யவோ முடியாது என்பதை நீங்கள் அறிந்திருக்கலாம். அவ்வாறான பைல்களையே (Unmovable Files) அன்மூவபல் பைல்கள் எனப்படுகின்றன.பேஜ் (Page file) பைல் மற்றும் MFT பைல்கள் (Master File Table) என்பவற்றை இடமாற்றம் செய்ய முடியாத பைல்களுக்கு உதாரணமாகக் கொள்ளலாம்.

பிரதான நினைவகமான RAM இல் வெற்றிடம் போதுமான அளவு இல்லாத போது ஹாட் டிஸ்கில் அதற்கென ஒரு குறிப்பிட்ட பகுதி ஒதுக்கப்பட்டு ஹாட் டிஸ்கும் நினைவகமாகச் செயற்படும் இதனையே பேஜ் பைல் / ஸ்வொப் பைல் (Swap file) அல்லது வேர்ச்சுவல் மெமரி (Virtual Memory) எனப்படுவது

அதேபோல் ஹாட் டிஸ்கிலுள்ள ஒவ்வொரு பைல்

பற்றிய விவரங்களையும் கொண்டிருக்கும் ஒரு அட்டவணையே Master File Table (MFT) எனப்படுகிறது. இது ஹாட் டிஸ்கில் நிரந்தரமாக ஓரிடத்தில் சேமிக்கப்பட்டிருக்கும்.இந்த MFT பைல் மற்றும் பேஜ் பைல்கள் இடமாற்றம் செய்ய முடியாத பைல்களாக விண்டோஸில் அடையாளமிடப்படுகின்றன.

ஹாட் டிஸ்கில் பைல் சேமிக்கப்படும்போது, இயங்கு தளம் எங்கெல்லாம் வெற்றிடம் காணப்படுமோ அவ்விடங்களில் புதிய பைல்களை சேமித்து விடும். ஹாட் டிஸ்கின் வெற்றிடத்தைப் பொறுத்தும் பைலின் அளவு பெரிதாக இருக்கும் பட்சத்திலும் அந்த பைல் முழுமையாக அல்லாமல் சிறு சிறு பகுதிகளாகப் பிரிக்கப்பட்டு சிதறலாக சேமிக்கப்படும்.

இதனையே ப்ரேக்மண்ட்ஸ் (Fragments) எனப்படுகிறது. இந்த பைல் பகுதிகளின் எண்ணிக்கை அதிகரிக்கும் போது கணினியின் வேகத்தில்  மந்த நிலை ஏற்படலாம் அல்லது சில வேளை பைல்களை இழக்கவும் நேரிடலாம்.

ஹாட் டிஸ்கை ஒரு குறித்த் கால இடைவெளிகளில் டிப்ரேக்மண்ட் செய்து கொள்வதன் மூலம் இவ்வாறான பாதிப்புகளிலிருந்து தவிர்ந்து கொள்ளலாம். ஹாட் டிஸ்கை டிப்ரேக்மண்ட் செய்வதற்கென Disk Defragmenter எனும் யூட்டிலிட்டி விண்டோஸுடன் இணைந்து வருகிறது.

டிப்ரேக்மண்ட் செய்யும்போது அங்கொன்று இங்கொன்றாக சிதறிக் கிடக்கும் ஒரு பைலின் பகுதிகள் அருகருகே தொடர்ச்சியாக அமையும் வண்ண்ம் இடமாற்றம் செய்யப்படுகின்றன.

டிப்ரேக்மண்ட் செய்யும்போது, டிப்ரேக்மண்ட் விண்டோ டிஸ்க் மேப்பில் (Disk Map) பச்சை நிறத்தில்

சில பகுதிகளைக் காண்பிப்பதை நீங்கள் அவதானித்திருக்கலாம். இடமாற்றம் செய்ய முடியாத் பைல்கள் உள்ள இடங்களையே விண்டோஸில் இவ்வாறு காண்பிக்கப்படுகிறது.. ஏனைய பகுதிகளை டிப்ரேக்மண்ட் செய்த பிறகும் இந்த அன்மூவபல் பைல்கள் ஹாட் டிஸ்கில் முன்னர் இருந்த இடத்திலேயே சிதறலாகக் இருக்கும்.

பேஜ் பைல் அலல்து ஸ்வொப் பைல்களை டிப்ரேக்மண்ட் செய்ய முடியாது என்பதால் அவற்றை அழித்து விட்டு டிப்ரேக்மண்ட் செய்யலாம். எனினும் அவற்றை வழமையான முறையில் அழிக்கவும் முடியாது. அவற்றை அழிப்பதற்குப் விண்டோஸில் பின்வரும் வழிமுறையைக் கையாளுங்கள்.

Control Panel >>>>System>>> Advanced tab>>>> Performance Settings>>> Advanced tab Change தெரிவு செய்யுங்கள். அங்கு Virtual Memory என்பதன் கீழ் No paging file தெரிவு செய்து Set என்பதைக் க்ளிக் செய்யுங்கள். பின்னர் கணினியை மறுபடி இயக்கி டிப்ரேக்மண்ட் செயற்பாட்டை ஆரம்பிக்கலாம்.

டிப்ரேக்மண்ட் செய்த பிறகு மேற்சொன்னவாறு Virtual Memory எனுமிடத்திற்குப் பிரவேசித்து Custom size என்பதைத் தெரிவு செய்து Initial size மற்றும் Maximum size எனுமிடங்களில் ஒரே அளவான ஹாட் டிஸ்கில் இடத்தை ஒதுக்குங்கள். இந்த அளவானது, கணினியின் பிரதான நினைவகத்தின் இரண்டு முதல் நான்கு மடங்காக இருக்க வேண்டும் என்பதையும் கவனத்தில் கொள்ளுங்கள்.

ஹாட் டிஸ்கிலுள்ள் மற்றுமொரு இடமாற்றம் செய்ய முடியாத் பைல் வகையான MFT எனும் பைல் அட்டவணையாகும்.. ஹாட் டிஸ்கில் பைல்களின் அளவு அதிகரிக்கும்போது இந்த MFT யின் அளவும் அதிகரிக்கிறது. இந்த MFT பைலும் அதன் உச்ச அளவைத் தாண்டும் போது சிறு சிறு பகுதிகளாக்கப்படுகிறது.

ரெஜிஸ்ட்ரியில் சிறிய மாற்றததைச் செய்வதன் மூலம் MFT பைலுக்கு ஒதுக்கப்பட்டுள்ள் இடத்தை மேலும் அதிகரித்துக் கொள்ளலாம். அதற்கு நீங்கள் Start → Run → regedit ஊடாக ரெஜிஸ்ட்ரி எடிட்டரைத் (Registry Editor) திறந்து HKEY_LOCAL_MACHINE\SYSTEM\ CurrentControlSet\Control\Filesystem வரை பயணித்து NtfsMftZoneReservation என்பதை டபள் க்ளிக் செய்து அதன் வலது புறம் 2 முதல் 4 வரையிலான ஒரு இலக்கத்தை உள்ளீடு செய்யுங்கள்.

இரண்டை டைப் செய்வதன் மூலம் 25 வீதத்தையும் 3 ஐ டைப் செய்வதன் மூலம் 37.5 வீதத்தையும் 4 ஐ உள்ளீடு செய்வதன் மூலம் 50 வீதத்தையும் ஹாட் டிஸ்கில் ஒதுக்கலாம்.

Read More

Way2Sms விளம்பரங்கள் : மொபைலுக்கு இலவசமாக ரீசார்ஜ் செய்திடலாம்.

Way2Sms இணையதளம் இந்தியாவிற்குள்ளும் உலகளவிலும் இலவசமாக குறுஞ்செய்திகளை அனுப்ப பயன்படுகிறது. இதில் மின்னஞ்சல் சேவையும் தரப்படுகிறது. இங்கேயே ஜிமெயில் மற்றும் யாகூ சாட்டிங் செய்யவும் முடியும். இப்போது புதியதாக விளம்பர சேவை ஒன்றையும் கொண்டு வந்திருக்கிறது. இதன் மூலம் உங்கள் மொபைல் எண்ணுக்கு இலவசமாக விநாடியில் ரீசார்ஜ் செய்து கொள்ள முடியும். இதற்கு நீங்கள் Way2Sms கணக்கு ஒன்றைத் தொடங்கியாக வேண்டும். இது எளிமையான வேலை தான். Register செய்ய கிளிக் செய்யவும். 

Way2Sms நிறுவனம் இரண்டு வகையான விளம்பர சேவைகளை தற்போது வழங்கி வருகிறது.

1. Email Ads

இதில் விளம்பரங்கள் நமது நண்பர்களுக்கு ஈமெயில்

முறையில் அனுப்பப் படும். குறிப்பிட்ட விளம்பரங்கள் நமது டாஷ்போர்டு பகுதியில் காண்பிக்கப்படும். Send Email கொடுத்தால் ஏற்கனவே நாம் இணைத்திருக்கிற ஜிமெயில் கணக்கில் உள்ள நண்பர்களுக்கு செல்லும். ஒரு நாளைக்கு ஒரு முறை மட்டுமே ஈமெயில் விளம்பரங்கள் அனுப்ப முடியும். இந்த விளம்பர ஈமெயில் உங்கள் பெயரில் தான் நண்பர்களுக்குப் போகும். அதிகபட்சம் இந்த விளம்பரத்தை 50 பேருக்குத் தான் அனுப்ப முடியும். இதனை யாராவது கிளிக் செய்தால் உங்களுக்கான பணம் உங்கள் கணக்கில் சேர்ந்து கொண்டே வரும்.

2. Social Ads

இந்த வகையிலான விளம்பரங்கள் சமூக வலைத்தளங்களில் பகிரப்படும். அதனை யாராவது கிளிக் செய்து பார்த்தால் குறிப்பிட்ட பணம் கிடைக்கும். Facebook, Twitter, Linked In இந்த மூன்று சமூக வலைத்தளங்களில் மட்டுமே பகிர முடியும். ஒரு நாளைக்கு இரண்டு விளம்பரங்கள் தரப்படும். அதுவும் ஒரு விளம்பரத்தை பகிர்ந்த பின்னர் இரண்டு மணி நேரம் விட்டு அடுத்த விளம்பரத்தைப் பகிர முடியும்.

Earnings Report :

நீங்கள் Way2Sms இல் நுழைந்தவுடனே வலது மேல்புறம் நமது கணக்கில் எவ்வளவு பணம் சேர்ந்திருக்கிறது என்று காட்டப்படும். குறைந்தபட்சமாக பத்து ருபாய் சேர்ந்தவுடனே நமது மொபைலுக்கு Recharge Now கிளிக் செய்து ரீசார்ஜ் செய்து கொள்ளலாம். இந்தியாவில் உள்ள அனைத்து வகை மொபைல் கம்பெனிகளும் இதில் இருப்பதால் எந்த பிரச்சினையுமில்லை. மேலதிகமான வருமான ரிப்போர்ட்களைப் பார்க்க My Earnings பகுதியில் பார்க்கலாம்.

முக்கியமான விதிமுறைகள்: 

1. உங்கள் விளம்பரங்களை நீங்களே கிளிக் செய்யாதீர்கள்.

2. நண்பர்களை இதைக் கிளிக் செய்யுமாறு ஊக்குவிக்காதீர்கள்.

3. Way2Sms இல் கொடுத்துள்ள சமூக வலைத்தளங்களில் மட்டுமே பகிருங்கள். அதனை வேறு இடங்களில் தனியாகப் பகிரக்கூடாது. அதைப்போல தனியாக ஈமெயில்களை அதிகமாக அனுப்பலாம் என்று நினைக்காதீர்கள்.

4. விளம்பரங்களின் இணைப்பையும் (Link) கருத்தையும் (Content) மாற்றாதீர்கள்.

5. பிளாக்கிலோ இணையதளத்திலோ இணைப்பு தரக்கூடாது.

இணையதளம் : http://way2sms.com

Read More

மாற்றப்பட வேண்டிய சில மோசமான பழக்கங்கள்

தகவல் தொழில் நுட்ப சாதனங்கள் இன்று நம் வாழ்வின் ஓர் முக்கிய அங்கமாக, அடிப்படை சாதனங்களாக மாறிவிட்ட பின்னரும், பல மோசமான பழக்க வழக்கங் களை, அவை மோசம் என்று தெரிந்த பின்னரும், மாற்றிக் கொள்ளாமல் தொடர்ந்து பின்பற்றி வருகிறோம். அவை என்னவென்று இங்கு பார்க்கலாம்.

1. மோசமான சூழ்நிலையில் கம்ப்யூட்டரை இயக்குதல்:

கம்ப்யூட்டர் முன்னால், பல மணி நேரங்கள் தொடர்ந்து அமர்ந்து அதனை இயக்குவது பலருக்கு வாடிக்கையாகி விட்டது. நம்முடைய முதுகைத் தாங்கிப் பிடிக்காத நாற்காலி, உயரத்தை அட்ஜஸ்ட் செய்ய முடியாத மேஜை மற்றும் நாற்காலிகள், உடல்வலி வந்த பின்னரும் உட்கார்ந்து பணியாற்றும் நிலையை மாற்றிக் கொள்ளாமல் தொடருதல் ஆகியவை நமக்குப் பெரிய அளவில் துன்பத்தை வரவழைக்கும் விஷயங்களாகும்.

2. ஒரே அழுக்கு:

கம்ப்யூட்டர், கீ போர்ட், மவுஸ், சிபியு உள்ள கேபின் - இவை யாவும் மோசமான தூசு மற்றும் அழுக்கு படிந்த நிலையிலேயே இயக்கப்படுகின்றன. வெளிர் நிறங்களில் வடிவமைக்கப்பட்ட பல கீ போர்டுகள், அழுக்குப் படிந்ததனால், முற்றிலும் நிறம் மாறி, தங்கிவிட்ட அழுக்கு கறைகளுடனேயே காணப்படுகின்றன.

அண்மையில் நடத்தப்பட்ட ஆய்வில்

, பொதுக் கழிப்பறைகளில் அமரும் இடத்தில் காணப்படும் கிருமிகளைக் காட்டிலும் 60 மடங்கு மேலாகக் கிருமிகள், கீ போர்டில் உள்ளதாகக் கண்டறியப்பட்டுள்ளது. நாளொன்றுக்கு ஒருமுறை என இல்லா விட்டாலும், வாரம் ஒருமுறையாவது, இவற்றைச் சுத்தப்படுத்தும் திரவம் கொண்டு சுத்தப்படுத்தினால், இயக்குபவரின் உடல் நலம் பாதுகாக்கப்படும் அல்லவா?

3. தொல்லை தரும் வகையில் போன் பேசுதல் :

நம்மில் பலர், பெரும்பாலானவர்களின் வெறுப்புக்கு ஆளாவது, நாம் மொபைல் பயன்படுத்தும் முறைகளினால் தான். சாப்பிடும் மேஜைகளிலிருந்து போன்களைத் தள்ளியே வைக்கவும்; கடைகள், ஜிம், பொது அலுவலகங்கள், லிப்ட்கள், மருத்துவமனை, பஸ், ஆட்டோ, ட்ரெயின் போன்ற இடங்களில், மொபைல் போனில் உரக்கப் பேசுவதை எப்போது நிறுத்தப் போகிறோம்?

4. பேக் அப்பா? அப்படின்னா?

நம்மில் பெரும்பாலோர், கம்ப்யூட்டரில் அமைக் கப்படும் பைல்களுக்கான பேக் அப் காப்பி எடுப்பதே இல்லை. சரியான கால இடைவெளியில், கம்ப்யூட்டரில் உள்ள அனைத்து பைல்களையும், இன்னொரு எக்ஸ்டெர்னல் ஹார்ட் ட்ரைவிற்கு மாற்றி வைப்பது, நல்லதொரு முன்னெச்சரிக்கை நடவடிக்கையாகும்.

இதனால், நாம் அரும்பாடு பட்டு பாதுகாத்து வைத்த அந்நாள் படங்கள், போட்டோக்கள், டேட்டாக்கள், பைல்கள், கடிதங்கள், நிதி நிர்வாகத் தகவல்கள் என அனைத்துமே சில வேளைகளில் நமக்குக் கிடைக்காமல் போய்விடும். தெரிந்தும் ஏன் பேக் அப் எடுப்பதில்லை? (பல தன்னாட்சி கல்லூரி கள் கூட தங்கள் மாணவர்களின் மதிப்பெண்கள் மற்றும் முக்கிய தகவல்களுக்கு பேக் அப் எடுப்பதில்லை என்ற குற்றச் சாட்டு எழுந்து வருகிறது.)

5. விட்டேனா பார் வீடியோ :

அடுத்த அடுத்த லெவலை முடித்துத் தான் வருவேன் எனப் பலர், பல கம்ப்யூட்டர் கேம்ஸ்களை வெறியோடு தொடர்ந்து நான்கு மணி நேரத்திற்குப் பின்னர் கூட விளையாடு கிறார்கள். இடையே ஓய்வு எடுக்காமல், தண்ணீர் அருந்தாமல், கால்கள் மற்றும் உடம்பை அசைக்காமல் நாற்காலியில் அமர்ந்தே இருப்பது, உடலுக்குத் தீங்கினை விளைவிக்கும் என்பது தெரிந்தும் ஏன் பலர் இந்த பழக்கத்தினை மாற்றுவதில்லை?

6.ஷட் டவுண்:

லேப்டாப் கம்ப்யூட்டர்களை, அதில் வேலை முடிந்த பின்னர், ஜஸ்ட் அப்படியே திரை உள்ள மேல் மூடியை மூடி எடுத்துச் செல்லலாம். ஆனால், இது நல்லதல்ல; லேப்டாப் வெகுநாட்கள் உழைக்க வேண்டும் என எண்ணினால், அதனை குறிப்பிட்ட கால இடைவெளியில் ஷட் டவுண் செய்திடும் பழக்கத்தினை மேற்கொள்ள வேண்டும்.

7. படுக்கையே தொழில் கூடமாக:

லேப்டாப், ஸ்மார்ட் போன், ஐபேட் என அனைத்தையும் படுக்கைக்கு உறங்கச் செல்லும் போது கொண்டு செல்வது, வெகு நேரம் விழித்திருந்து பயன்படுத்துவது, சரியான நேரத்தில் தூங்க மறுப்பது, பின்னர் தூக்கம் சரியாக வருவதே இல்லை என்று குற்றம் சாட்டுவது போன்ற செயல்கள் தவறு என்று தெரிந்த பின்னரும், தொடர்ந்து இந்தப் பழக்கத்தைப் பலரும் கடைப்பிடிப்பது ஏன்?

(குறிப்பாக சில மருத்துவர்கள், இரவு நேரங்களில் கண் விழித்து லேப்டாப் கம்ப்யூட்டரில் பணியாற்றி, அதனுட னேயே உறங்குகின்றனர். மறு நாளில், நோயாளிகளைப் பார்க்கையில் எரிச்சல், கண்களிலும் மனதிலும் தோன்றாதா?)

8. சிஸ்டம் அப்டேட் கேன்சல்:

பல வேளைகளில், நமக்கு நாம் பயன்படுத்தும் சிஸ்டம், அப்ளிகேஷன் சாப்ட்வேர் புரோகிராம்கள் மற்றும் ஆண்ட்டி வைரஸ் புரோகிராம்கள் ஆகியவற்றிற்கு அப்டேட் பைல்கள் உள்ளன. அப்டேட் செய்திடலாமா? என்று கேள்வி வரும். அந்த வேலையை மேற்கொண்டு, பின்னர், கம்ப்யூட்டரை மறுபடியும் ரீஸ்டார்ட் செய்திட சோம்பேறித்தனப்பட்டு, பலர் அப்டேட் செய்வதைக் கேன்சல் செய்து விடுகின்றனர்.

இது தவறு மட்டுமின்றி, தேவையற்ற அபாயத்தினையும் வரவழைக் கும். நிறுவனங்கள் அப்டேட் பைல்களை அளிக்கையில், தாங்கள் தயாரித்து வழங்கிய புரோகிராம்களில் கூடுதல் வசதிகளை மட்டும் அளிப்ப தில்லை. தங்கள் புரோகிராம்களில் உள்ள எந்த பலவீனமான இடத்தைப் பயன்படுத்தி, வைரஸ்கள் நுழைகின்றனவோ, அவற்றை யும் சரி செய்து அப்டேட் பைல்களை அளிக்கின்றனர். இவற்றை அப்டேட் செய்திடும் பணியை கேன்சல் செய்வதன் மூலம், நாம் வசதிகளை மட்டும் இழப்பதில்லை; வைரஸ் எதிரான பாதுகாப்பினையும் இழக்கிறோம்.

9. உங்கள் பாஸ்வேர்ட்:

ஏறத்தாழ ஐந்துக்கும் மேற்பட்ட பாஸ்வேர்ட்களை ஒருவர் ஒரு நாளில் குறைந்தது பயன் படுத்த வேண்டியதுள்ளது. உங்கள் பாஸ்வேர்ட் 1234 என உள்ளதா? உங்கள் பெயர், பிறந்த நாள், தொலைபேசி எண் என உள்ளதா? நிச்சயம் அவை பாதுகாப்பானவை இல்லை. பல ஆண்டுகளாக ஒரே பாஸ்வேர்டையே பயன்படுத்தி வருகிறேன் என்று பெருமை அடித்துக் கொள்கிறீர்களா? இதனை எச்சரிக்கும் செய்திகளை உதாசீனம் செய்கிறீர்களா? இது தவறில்லையா?

10. பேட்டரி ட்யூனிங்:

லேப்டாப் கம்ப்யூட்டரின் பவர் ப்ளக்கைச் செருகி, அதனைப் பயன்படுத்துவது மிக எளிதுதான். ஆனால் அதோடு நின்றுவிடக் கூடாது. பேட்டரிகளை அதன் திறன் முழுமையாகக் கிடைக்கும் வகையில், அதனை சார்ஜ் செய்வதுடன் ட்யூனிங் செய்திடவும் வேண்டும். சில மாத இடைவெளியில், பேட்டரிகளை முழுமை யாகச் சோதனை செய்து, அவற்றின் திறனை முழுமையாகப் பயன்படுத்தும் வகையில் தயார் செய்திட வேண்டும். ஆனால், இது தெரிந்திருந்தும் ஏன் பலர் இந்த செயல்பாட்டினை மேற்கொள்வதில்லை?

Read More

intel i3,i5,i7 processorகளுக்கு இடையேயான வேறுபாடுகள்.

இண்டெல் தன்னுடைய core2duo மற்றும் core2Quad processorகளின் தயாரிப்பை சென்ற ஆண்டோடு நிறுத்திக்கொண்டது. இனி i3,i5 மற்றும் i7 ப்ராசசர்களின் காலம் தான்.

நீங்கள் புதிதாக laptop, pcயோ வாங்கப்போவதாக இருந்தால் இவற்றினை பற்றி தெரிந்து கொண்டு உங்கள் தேவைக்கு ஏற்ப வாங்குங்கள்.

Core i3:

Entry level processor.

2-4 Cores

4 Threads

Hyper-Threading (efficient use of processor resources)

3-4 MB Catche

32 nm Silicon (less heat and energy)

Core i5:

Mid range processor.

2-4 Cores

4 Threads

Turbo Mode (turn off core if not used)

Hyper-Threading (efficient use of processor resources)

3-8 MB Catche

32-45 nm Silicon (less heat and energy)

Core i7:

High end processor.

4 Cores

8 Threads

Turbo Mode (turn off core if not used)

Hyper-Threading (efficient use of processor resources)

4-8 MB Catche

32-45 nm Silicon (less heat and energy)

Read More

தலைகீழாக எடுக்கப்பட்ட வீடியோக்களை Rotate செய்வது எப்படி?

மொபைல் கேமரா வசதியால் எளிதாக பலரும் வீடியோக்களை எடுப்பதுண்டு. வீடியோ எடுக்கும் போது அதன் கோணத்தை(Angle) நேராக வைக்காமல் மாற்றி வைத்து எடுத்து விடுவார்கள். இப்படி மாற்றி எடுக்கப்பட்ட வீடியோவை மொபைலில் வேண்டுமானால் அப்படியும் இப்படியும் திருப்பி வைத்து பார்க்கலாம். அதனையே கணிணியில் பார்க்கும் போது கணிணியின் திரையைத் திருப்ப முடியுமா? VLC பிளேயரில் அந்த நேரத்திற்கு Rotate செய்து பார்க்க வசதியிருக்கிறது. சரி இந்த வீடியோக்களை நாம் விரும்பும் கோணத்திற்கு நிரந்தரமாக மாற்றுவது எப்படி என்று பார்ப்போம்.

இணையத்தில் வீடியோக்களை Rotate செய்வதற்கு இலவசமான இரண்டு மென்பொருள்கள் கிடைக்கின்றன. இவை வீடியோக்களை இடமிருந்து வலமாக, மேலிருந்து கீழாக மற்றும் கீழ்க்கண்ட வகைகளிலும் சுழற்றச்செய்து கன்வர்ட் செய்து

தருகின்றன.

- rotate video 90 CW

- rotate video 180

- rotate video 90 CCW

- flip video horizontal

- flip video vertical

- flip video vertical and rotate 90 CW

- flip video vertical and rotate 90 CCW.

1.X2X Free Video Flip and Rotate

இந்த மென்பொருளில் வீடியோ வேண்டுமளவுக்கு வெட்டிக் கொள்ளவும் முடியும். AVI, MPG, MPEG, MP4, WMV, ASF, MOV, QT, 3GP, 3G2, AMV, FLV போன்ற அனைத்து வகை வீடியோக்களையும் ஆதரிக்கிறது. மாற்றப்பட்ட வீடியோவை MP4 வகையில் கொடுக்கும்.

தரவிறக்கச்சுட்டி: http://www.x2xsoft.com/productlist/fliprotate.html

2.Free Video Flip and Rotate (DvdVideoSoft)

இந்த மென்பொருளும் சிறப்பான வகையிலும் வேகமாகவும் வீடியோவை சுழற்றச் செய்து தருகின்றது. இது நாம் கொடுக்கும் வீடியோ பார்மேட்டிலேயே மாற்றித் தருகின்றது.

தரவிறக்கச்சுட்டி: http://www.dvdvideosoft.com/products/dvd/Free-Video-Flip-and-Rotate.htm

Read More

கம்ப்யூட்டர் வேகமாக இயங்க msconfig

யதேச்சையாக நேற்று பழைய பாட புத்தகத்தை திரும்ப பார்த்துக் கொண்டு இருந்தேன் அதில் இருந்த msconfig விஷயம் ஆச்சர்யப்பட வைத்தது. நம் கம்ப்யூட்டரில் தேவை இல்லாமல் ஸ்டார்ட் ஆகும் ப்ரோக்ராம்களை நிறுத்த இது உதவுகிறது. வாருங்கள் என்ன விஷயம் என்று பார்க்கலாம்.

எதற்கு இந்த msconfig? 

உங்கள் கணினியில் நிறைய சாஃப்ட்வேர்கள் நீங்கள் இன்ஸ்டால் செய்து இருப்பீர்கள். அவற்றில் சில கம்ப்யூட்டர் ON ஆன உடன் உங்கள் விண்டோவில் வந்து நிற்கும். சில உங்களுக்கு தெரியமாலயே ஸ்டார்ட் ஆகி இருக்கும். ஒவ்வொரு முறையும் இவற்றை நாம் close செய்வதற்க்கு பதிலாக அவை automatic ஆக ஸ்டார்ட் ஆவதை நிறுத்தி தேவையான போது மட்டும் எடுத்து பயன்படுத்த இது உதவும்.

இதனால் கம்ப்யூட்டர் ஸ்பீட் ஆனது அதிகரிக்கும். RAM ஆனது இடைஞ்சல் எதுவும் இன்றி வேலை செய்யும்.

இது XP, Vista, Windows 7  வேறு விதமாக உள்ளதால் மூன்றையும் தருகிறேன்.

 XP பயனர்களுக்கு 

இதில் Run-->  msconfig

இப்போது கீழே உள்ள விண்டோ வரும்.  அதில் Start Up என்பதை தெரிவு செய்யவும்

இதில் உங்கள் கம்ப்யூட்டர் ON ஆனவுடன் என்ன ப்ரோக்ராம்கள் ஸ்டார்ட் ஆகின்றன என்பது கொடுக்கப்பட்டு இருக்கும். இதில் உங்களுக்கு அடிக்கடி தேவை இல்லாத ப்ரோக்ராம் இருந்தால் அதனை Uncheck செய்து இப்போது OK கொடுத்து விடவும்.

இப்போது restart செய்ய சொல்லி வரும். செய்து விட்டு பாருங்கள் அவை இப்போது Automatic ஆக ஸ்டார்ட் ஆகாது.

Vista பயனர்களுக்கு 

இது இப்போது கைவசம் இல்லாத காரணத்தால் run இல் கொடுத்து முயற்சி செய்யவும். அல்லது start menu வில் search செய்யும் இடத்தில் முழுவதுமாக msconfig என டைப் செய்தால் இந்த விண்டோ கிடைக்கும். அதற்கு பின் செய்முறையில்  Windows 7 க்கும் இதற்கும் ஏதேனும் வித்தியாசம் இருப்பின் கீழே comment இல் சொல்லவும்.

Windows 7 பயனர்களுக்கு

இதிலும் Run-->  msconfig

இதில் வரும் புதிய விண்டோவில் Start up என்பது  கடைசிக்கு முந்தையதாகவே இருப்பதை கவனிக்கவும். இனி மேலே XP க்கு உள்ளது போல அடிக்கடி பயன்படுத்தாத ப்ரோக்ராம்களை Uncheck செய்து விடவும். பின்னர் OK கொடுத்து விட்டு ரீஸ்டார்ட் செய்யவும்.

எந்த அளவுக்கு நீங்கள் Uncheck  செய்கிறீர்களோ அது உங்கள் கம்ப்யூட்டரின் RAM வேகத்தை அதிகமாக்கும். முயற்சி செய்து விட்டு சொல்லுங்க

Read More

பென்டிரைவில் பாதுகாப்பான Safely Remove வசதி

யு.எஸ்.பி டிரைவ்களை பயன்படுத்தும் போது, அவசரத்தில் Safely Remove கொடுக்காமல் மறந்து விடுகிறோம்.

இதனால் பென்டிரைவ் போன்ற யு.எஸ்.பி டிரைவ்கள் பழுதடைய வாய்ப்பு அதிகம். Safely Remove கொடுக்காமல், அதே நேரம் பென்டிரைவிற்கு எந்தவித பிரச்னையும் வராமல் தடுக்கலாம்.

இதற்கு,

1. முதலில் உங்கள் பென்டிரைவ் அல்லது வேறு ஏதேனும் USB Device ஒன்றை உங்கள் கணணியில் செருகவும்.

2. இப்போது My Computer மீது ரைட் கிளிக்

செய்து Manage என்பதை கிளிக் செய்யவும். இப்போது புதிய விண்டோ ஒன்று வரும், அதில் இடது புறத்தில் Device Manager என்பதை தெரிவு செய்யவும்.

3. இப்போது உங்கள் கணணியில் உள்ள Device கள் அனைத்தும் அதில் காண்பிக்கப்படும். அதில் Disk Drives -இல் உங்கள் Pen Drive/ USB Device பெயரை கண்டுபிடிக்கவும். அதன் மீது Double Click செய்யவும்.

4. இப்போது வரும் புதிய விண்டோவில் Policies என்ற Tab-ல் "Quick removal (default)" என்பதை தெரிவு செய்யவும்.

அவ்வளவு தான், இனிமேல் நீங்கள் Safely Remove என்பதை கொடுக்க தேவையில்லை.

Read More

“Google Inbox” எப்படி இருக்கிறது?

கூகுள் எதையாவது மாற்றிக்கொண்டு இருக்கிறது இல்லையென்றால் அறிமுகப்படுத்திக்கொண்டு இருக்கிறது. தற்போதைய அறிமுகம் “Google Inbox“. அது தான் ஏற்கனவே ஜிமெயில் இருக்கிறதே! அப்புறம் என்ன கூகுள் இன்பாக்ஸ் என்று தோன்றுவது சகஜம். இது Advanced பயனாளர்களுக்கானது. ஏற்கனவே உள்ள ஜிமெயில் அப்படியே இருக்கும் எந்தவித மாற்றமும் இல்லை அதோடு இதற்கான மொபைல் செயலிகளும் (Apps) அதே தான். இந்த வசதி கூடுதல் சேவை அவ்வளவு தான். எனவே குழம்பிக் கொள்ள வேண்டாம். Image credit – www.fastcodesign.com

இதை எளிமையாகக் கூற வேண்டும் என்றால், நான் “நோக்யா 1100″ வைத்து இருக்கிறேன் இதில் என்னால் பேச முடிகிறது, குறுந்தகவல் அனுப்ப / பெற முடிகிறது எனக்கு எதற்கு ஸ்மார்ட் ஃபோன் என்று பேசுபவர்களை நீங்கள் சந்தித்து இருக்கலாம். கிட்டத்தட்ட அதே போலத் தான் இதுவும் ஆனால், சிறு மாற்றத்துடன். ஜிமெயில் பயன்படுத்துபவர்கள் எனக்கு மின்னஞ்சல் அனுப்பனும் பெறனும் அதோட கசகசன்னு எதற்கு தேவையில்லாமல் என்னோட மின்னஞ்சல் கணக்கில் மின்னஞ்சல்கள் குவியணும், பார்த்தாலே கடுப்பாகிறது என்று நினைப்பவர்கள் நிறைய இருக்கிறார்கள். இது போல நினைப்பவர்களுக்குத்தான் இந்த “Google Inbox” வசதி.

இந்த புதிய Google Inbox வடிவமைப்பு சில வேறு மாதிரி இருக்கும். ஜிமெயிலில் உள்ள பல வசதிகள் இதில் இல்லை ஆனால், அதில் இல்லாத சில புதிய வசதிகள் இதில் உண்டு. உதாரணத்திற்கு ஜிமெயிலில் நாம் அனுப்பும் மின்னஞ்சலை 30 நொடி வரை தாமதிக்க வைக்கலாம் அதாவது சில நேரங்களில் மின்னஞ்சல் அனுப்பிய அடுத்த நொடி நாம் செய்த தவறு ஒன்று நினைவிற்கு வரும் / மாற்றி வேறு ஒருவருக்கு அனுப்பி இருக்கலாம் / எழுத்துப் பிழை இருக்கலாம் ஆனால், அனுப்பி விட்டால் முடிந்தது எதுவும் செய்ய முடியாது. இந்தப் பிரச்னைக்கு ஜிமெயில் தரும் சேவை தான் 30 நொடி தாமதம். இதை செயல்படுத்தி வைத்தால் நாம் மின்னஞ்சல் அனுப்பினால் 30 நொடிகள் (நம் வசதிக்கு ஏற்ப நேரத்தை மாற்றலாம்) செல்லாமல் இருக்கும். இடையில் தவறு இருக்கிறது என்று கருதினால் மின்னஞ்சலை திரும்பத் திருத்தி அனுப்பலாம். இதை உடனே அனுப்ப வேண்டும் என்றாலும் செய்யலாம். இது மிக மிகப் பயனுள்ள வசதி. எனக்கு பெரியளவில் உதவி இருக்கிறது / கொண்டு இருக்கிறது.

Read: நீங்கள் ஏன் ஜிமெயிலுக்கு மாற வேண்டும்!

இது போல பல வசதிகள் ஜிமெயில் Lab என்ற பிரிவில் இருக்கிறது. தேவைப்பட்டால் நாம் வைத்துக்கொள்ளலாம். வேண்டாம் என்றால் தவிர்த்து விடலாம், அனைத்தும் நம் விருப்பம். இந்த வசதிகள் எல்லாம் ஸ்மார்ட் ஃபோன் போலத்தான், கூடுதல் வசதிகள். இவை இல்லாமலும் நீங்கள் உங்கள் மின்னஞ்சலை அனுப்பலாம் பெறலாம் இல்லையா..! இது போன்ற பல வசதிகள் இல்லாமல் எளிமையாக வந்துள்ளது தான் Google Inbox .

இதில் பல வசதிகள் இல்லையென்று கூறி இருந்தேன் ஆனால், அதே சமயம் புது வசதிகளும் உள்ளது. இதில் உள்ள வசதிகளாக என்னென்ன இருக்கிறது என்பதைப் பார்ப்போம்.

Google Inbox

வேகம். ஏற்கனவே ஜிமெயில் வேகம் என்பதை இதைப் பயன்படுத்துபவர்கள் அறிவார்கள் ஆனால், அதை விட இந்த புதிய வடிவமைப்பு கூடுதல் வேகமாக உள்ளது. Image Credit – Play.google.com

இந்த வசதி முக்கியமாக மொபைல் பயனாளர்களை குறி வைத்தே வந்துள்ளது. ஏனென்றால் நேரத்தை / Data / பேட்டரியை வீணாக்க வேண்டாம் என்று நினைப்பவர்களுக்கு இது அவசியமானது.

இதற்கு என்று தனி செயலி (App) வெளியிடப்பட்டுள்ளது. ஏற்கனவே உள்ள ஜிமெயில் செயலியில் இதைப் பயன்படுத்த முடியாது. உங்களுடைய மடிக்கணினி / கணினியில் பயன்படுத்த https://inbox.google.comஎன்ற முகவரிக்குச் செல்ல வேண்டும். நான் இந்த வசதியை மொபைலில் மட்டுமே பயன்படுத்துகிறேன், மடிக்கணினியில் வழக்கமான ஜிமெயில் தான்.

ஜிமெயில் செயலியில் Push Notification செயல்படுத்தி இருந்தால், முக்கியமில்லாத மின்னஞ்சலுக்குக் கூட Notification வந்து நம்மைக் கடுப்பேத்தும். என்ன என்று பார்த்தால், அது ஏதாவது Offer, promotion போன்ற அதிக முக்கியத்துவம் இல்லாத மின்னஞ்சலாக இருக்கும். இதைச் சென்று பார்ப்பதால் நம்முடைய மொபைல் பேட்டரி விரைவில் குறைகிறது அதோடு நேரமும் வீணாகிறது. இந்தப் பிரச்சனை புதிய முறையில் முற்றிலும் தவிர்க்கப் படுகிறது.

கூகுள் தொழில்நுட்பம் நமக்கு வரும் மின்னஞ்சல்களை அதுவே Travel, Purchase, Finance, Social, Updates, Forums, Promos என்று ஏழு பிரிவுகளாகப் பிரிக்கிறது (தற்போதைய ஜிமெயிலில் “Social” “Promotions” “Updates” “Forums” என்ற பிரிவுகள் போல). இதன் பெயர் Bundle என்று அழைக்கப்படுகிறது. பொதுவாக இந்தப் பிரிவில் வரும் மின்னஞ்சல்கள் எதுவுமே உடனே பார்க்க வேண்டிய அவசியம் இருக்காது. தாமதமாகப் பார்த்தாலும் இதனால் பெரியளவில் எந்த பாதிப்பும் இருக்காது. உதாரணத்திற்கு உங்களுக்கு Bank statement மின்னஞ்சல் வந்தால் அது “Finance” Bundle ல் சேர்ந்து விடும்.

எனவே இந்தப் பிரிவில் வரும் மின்னஞ்சல்களுக்கு உங்களுக்கு Notification வராது ஆனால், உங்கள் நண்பரோ வேறு ஒருவரோ அனுப்பி இருந்தால், உங்களுக்கு Notification வரும். மேற்குறிப்பிட்ட பிரிவுகள் தவிர வேண்டும் என்றால் நாம் புதிதாக (Bundle) உருவாக்கிக் கொள்ளலாம்.

ஒருவேளை குறிப்பிட்ட மின்னஞ்சல் இது போல Bundle ல் சேராமல் வழக்கமான முறையில் வர வேண்டும், Notification பெற வேண்டும் என்றால் அதை குழுவில் இருந்து நீக்கிக் கொள்ளலாம்.

உதாரணத்திற்கு என்னுடைய தளத்தில் யாராவது பின்னூட்டம் (Comment) இட்டால் எனக்கு மின்னஞ்சல் வரும். இந்த புதிய முறையில் கூகுள் இதை Bundle மின்னஞ்சலாகக் கருதி Social என்ற பிரிவில் சேர்த்து விடுகிறது. எனக்கு இது போல சேர வேண்டாம், எனக்குத் தனியாக வேண்டும் / Notification வேண்டும் என்றால் இதில் இருந்து பிரித்து விடலாம், திரும்ப வேண்டும் என்றால் சேர்த்துக் கொள்ளலாம்.

நீங்கள் விருப்பப்பட்டால் இந்த Bundling என்ற வசதியை நிறுத்தி (Off) அனைத்து மின்னஞ்சல்களும் வழக்கமான முறையில் வரிசையாகத் தெரிவது போலவும் செய்து கொள்ளலாம்.

புதிய வசதியாக Reminder, Snooze போன்றவற்றை அறிமுகப்படுத்தி இருக்கிறது. எதையாவது நினைவு படுத்த வேண்டும் என்றால் அதை இதில் செயல்படுத்த முடியும். குறிப்பிட்ட மின்னஞ்சலுக்கு 1 மணி நேரம் கழித்து பதில் அனுப்ப வேண்டும் என்றால் இதில் நேரத்தை அமைத்துக் கொள்ளலாம். இதில் இன்னொரு வசதி நேரத்தை மட்டுமல்ல இடத்தை வைத்தும் இதை அமைக்கலாம்.

எப்படி?

நீங்கள் குறிப்பிட்ட இடத்திற்கு / கடைக்குச் சென்றால் ஒரு பொருளை வாங்கத் திட்டமிட்டு இருக்கிறீர்கள் ஆனால், மறந்து விடுவீர்கள். சென்று வந்த பிறகு அடடா! அப்பவே நினைத்தேன்.. மறந்துட்டேனே! என்று கடுப்பாவீர்கள். எனவே இடத்தை வைத்து Reminder செயல்படுத்தி இருந்தால், நீங்கள் அந்த இடம் வந்ததும் உங்களுக்கு நினைவுபடுத்தும். இதற்கு நீங்கள் Location service செயல்படுத்தி இருக்க வேண்டும். ஏற்கனவே இந்த வசதிகளையெல்லாம் பயன்படுத்துவதால் நினைவுத் திறன் குறைந்து வருகிறது. போகிற போக்கைப் பார்த்தால் சாப்பிடவும் தூங்கவும் கூட Reminder அமைக்கும் நிலை வரும் போல இருக்கு  .

இதில் ஒரு பிரச்சனை இருக்கிறது. சிங்கப்பூர் போன்ற வளர்ச்சி அடைந்த நாடுகளில் ஒரு கட்டிடத்திற்கு / இடத்திற்கு என்று ஒரு Pincode / Postal code இருக்கும். எனவே நாம் இதைக் கொடுத்தால் அது உடனே சரியாக நமக்கு நினைவு படுத்துகிறது. இதே நான் குறிப்பிட்ட இடத்தை / சாலையை குறிப்பிட்டால் சரியாகக் கூறுவதில்லை (சோதித்துப் பார்த்தேன்). இந்தியா போன்ற வளரும் நாடுகளில் கட்டமைப்பு அவ்வளவு சரியாக இல்லாததால், இந்த வசதி 100% சரியாகச் செயல்படும் என்ற உத்தரவாதத்தை நாம் பெற முடியாது ஆனாலும், இது புதிய வசதி என்பதால் விரைவில் பிரச்சனைகள் களையப்பட்டு மேம்படுத்தப்படும் என்று கருதுகிறேன். அமெரிக்கா / சிங்கப்பூர் போன்ற நாடுகளில் பயன்படுத்துபவர்களுக்கு இந்தச் சேவை பிரச்சனையில்லை.

இந்த Google Inbox ன் முக்கியக் குறிக்கோளே “Clean UI (User Interface)” என்பதாகும் அதாவது எவ்வளவுக்கு எவ்வளவு Inbox குப்பை போல இல்லாமல் வைத்துக் கொள்ள முடியுமோ அவ்வளவு வசதிகளைக் கொடுக்கிறது. இதில் ஒரு பகுதியாக Pin என்ற வசதியுள்ளது. நமக்குத் தேவையான மின்னஞ்சல்களை மட்டும் “Pin” செய்து வைத்துக்கொண்டால், எப்போது வேண்டுமோ அப்போது இவற்றை மட்டும் பார்த்துக் கொள்ளலாம் அல்லது இவற்றை மட்டும் தெரிவது போல வைத்துக்கொள்ளலாம், ஜிமெயிலில் உள்ள “Star” / “Priority Inbox” வசதி போல.

ஜிமெயிலில் Archive என்ற வசதியைப் பற்றி அறிந்து இருப்பீர்கள். ஒரு மின்னஞ்சலை Archive செய்தால் அது Inbox பகுதியில் இருந்து அந்த மின்னஞ்சல் எந்த Label ல் இருக்கிறதோ அதற்குச் சென்று விடும். அதாவது அது Delete ஆகாது ஆனால், உங்கள் Inbox பகுதியில் இருந்து மறைந்து வேறு ஒரு இடத்திற்குச் சென்று விடும். அதனால் உங்கள் Inbox பார்க்க அழகாக இருக்கும். இந்த வசதி Google Inbox ல் நீங்கள் “டிக் மார்க்” ஐ க்ளிக் செய்வதன் மூலம் Archive செய்யலாம் அல்லது அந்த மின்னஞ்சலை வலது புறம் மொபைலில் Swipe செய்வதன் மூலம் செய்யலாம். இடது புறம் swipe செய்தால் Reminder / Snooze செயல்படுத்தலாம்.

இவ்வாறு Snooze / Reminder செய்யப்பட்ட மின்னஞ்சல் உங்களுக்கு சரியான நேரத்தில் நினைவுபடுத்தியவுடன் Pin பகுதியில் இணைந்து விடும். நீங்கள் எப்போது வேண்டும் என்றாலும் Unpin செய்து கொள்ளலாம். இது எதற்கு என்றால், நீங்கள் எதையும் தவறவிடக் கூடாது என்பதற்காகத் தான்.

மின்னஞ்சல் அனுப்பும் போது கடைசியாக அனுப்பிய மின்னஞ்சலை எளிதாக ஒரே  க்ளிக்கில் திரும்பப் பயன்படுத்த முடியும். Reminder உடனடியாக இரண்டே க்ளிக்கில் செயல்படுத்த முடியும். இவற்றைச் செயல்படுத்த முகப்பில் உள்ள சிவப்பு பொத்தானை அழுத்தினால் போதும்.

இந்த Bundle / Snooze வசதிகள் “Google Inbox” க்கு மட்டுமே வேலை செய்யும். நம்முடைய வழக்கமான ஜிமெயிலில் இது எந்த மாற்றத்தையும் ஏற்படுத்தாது.

இந்த வசதி தற்போது அனைவருக்கும் கொடுக்கப்படவில்லை. அழைப்பிதழ் (Invitation) மூலமே வழங்கப்படுகிறது. இந்த வசதியை யாராவது உங்கள் நண்பர்கள் பயன்படுத்தினால் அவர்களிடம் இருந்து நீங்கள் அழைப்பிதழ் பெற முடியும் அல்லது inbox@google.com என்ற இந்த முகவரிக்கு அழைப்பிதல் கேட்டு மின்னஞ்சல் அனுப்பலாம். இது ஜிமெயில் பயன்படுத்துபவர்களுக்கு மட்டுமே! கூகுளே இன்னும் சில நாட்களில் அனைத்து ஜிமெயில் பயனாளர்களுக்கும் கொடுத்து விடும்.

கூகுளின் இந்த முயற்சியைப் பார்க்கும் போது எதிர்காலத்தில் ஸ்மார்ட் ஃபோன் அல்லாது கூடுதல் வசதியுடன் கூடிய “நோக்யா 1100″ போல மொபைல் விற்பனைக்குத் திரும்ப வரும் என்று நினைக்கிறேன்  . நோட் பண்ணுங்கப்பா.. நோட் பண்ணுங்கப்பா 

மேற்கூறியது படிக்க குழப்பமாக இருக்கலாம் ஆனால், இந்த புதிய வசதியை நான் கூறியதோடு ஒப்பிட்டுப் பார்த்தால் எளிதாகப் புரிந்து கொள்ளலாம். அதோடு முதலில் பயன்படுத்த சிரமமாக இருக்கும் ஆனால், 2 / 3 நாட்களில் பயன்படுத்த எளிதாகி விடும்.

http://www.giriblog.com/

Read More

ஒரே நிமிடத்தில் எந்த இணையதளத்தையும் பிடிஎப் கோப்பாக சேமிக்கலாம்

சில இணையதளங்களை நாம் பார்த்துக் கொண்டிருக்கும் போது
பல நல்ல தகவல்கள் அந்த இணையதளத்தில் இருக்கலாம் அந்த
தகவல்களை பிடிஎப் ஆக மாற்றும் வசதி இருக்காது ஆனால் நாம்
அப்படி பட்ட சில முக்கியமான இணையதளங்களை சில நிமிடங்களில்
பிடிஎப் கோப்பாக மாற்றலாம் எப்படி என்பதைப்பற்றி தான் இந்த பதிவு.

இணையதள முகவரி : படம் 1

இந்த இணையதளத்திற்கு சென்று நாம் படம் 1-ல் காட்டியபடி நாம்
பிடிஎப் ஆக சேமிக்க வேண்டிய இணையதளத்தின் முகவரியை கொடுக்க
வேண்டியது தான். கொடுத்து முடித்ததும் “ P ” என்ற படத்தை அழுத்தி
நம் கணினியில் பிடிஎப் ஆக சேமித்துக்கொள்ளலாம். பல இணைய
தளங்களில் இந்த வசதி இருந்தாலும் நம் தமிழில் உள்ள அத்தனை
பக்கங்களையும் சரியாக தமிழில் எந்த பிழை செய்தியும் இல்லாமல் பிடிஎப் ஆக மாற்ற இந்த இணையதளம் உதவுகிறது.

Read More