இரண்டு இயங்குதளங்களைக் கொண்ட முதலாவது ஸ்மார்ட் கைப்பேசி

ஸ்மார்ட் கைப்பேசி உலகில் முதன் முறையாக இரண்டு இயங்குதளங்களைக் கொண்ட கைப்பேசியினை Geeksphone Revolution நிறுவனம் அறிமுகம் செய்கின்றது. இக்கைப்பேசியில் கூகுளின் Android இயங்குதளம் மற்றும் Mozilla Firefox இயங்குதளம் ஆகியன நிறுவப்பட்டுள்ளன. இதன் மூலம் விரும்பிய இயங்குதளத்தில் குறித்த கைப்பேசியினை இயக்கும் வாய்ப்பு காணப்படுகின்றது. இதில் Dual Core Intel Atom Z560 1.6GHz Processor, 1GB RAM மற்றும் 4GB சேமிப்பு நினைவகம் என்பன காணப்படுகின்றன. மேலும் 4.7 அங்குல தொடுதிரையினை உடைய இக்கைப்பேசியில் 8 மெகாபிக்சல்களைக் கொண்ட பிரதான கமெரா, 1.3 மெகாபிக்சல்களைக் கொண்ட வீடியோ அழைப்புக்கான கமெரா என்பனவும் தரப்பட்டுள்ளது. இம்மாதம் 20ம் திகதி வெளியிடப்படவுள்ள இக்கைப்பேசியின் பெறுமதியானது 289 யூரோக்கள் ஆகும்.

Read More

ஆபத்து காலத்தில் கைகொடுக்கும் செல்போன் செயலிகள்.

செல்போன் செயலிகள் உடல் இளைக்கவும், புகைப்படங்களை பகிர்ந்து கொள்ளவும், ஆங்க்ரி பேர்ட்ஸ் போன்ற கேம்கள் விளையாடவும் தான் என்று நினைத்து கொண்டிருந்தால் மாற்றிக்கொள்ளுங்கள் . நடைமுறை வாழ்க்கையில் பயன் தரகூடிய செயலிகளும் பல இருக்கின்றன. அது மட்டுமா ஆபத்து காலத்தில் உதவிக்கான கோரிக்கை விடுக்க உதவும் செயலிகளும் இருக்கின்றன. செல்போன் செயலிகளில் ஆர்வம் இல்லாதவர்கள் கூட இந்த உயிர்காக்கும் செயலிகள் பற்றி அறிந்து கொள்ள வேண்டும்.
 

எப்படியும் பெரும்பாலானோர் கைகளில் செல்போன் வைத்திருக்கின்றனர். ஆபத்து என வரும் போது இந்த செல்போன்கள் மூலமே ஒரு கிளிக்கில் உதவி கோர வழிசெய்யும் ஆபத்பாந்தவனாக  உயிர் காக்கும் செயலிகள் அமைந்துள்ளன.
 

ஆபத்து என தெரிந்தால் , செல்போனில் வேண்டியவர்களுக்கு தகவல் தெரிவித்து உதவி கோரலாம் தான். ஆனால் சில நேரங்களில் செல்போனில் உள்ள எண்களில் வேண்டியவர்களின் எண்ணை தேடி கண்டுபிடித்து அவர்களை அழைத்து உதவி தேவை என சொல்ல முடியாத அளவுக்கு நெருக்கடியில் சிக்கி கொள்ளலாம். அதோடு ஆபத்து சூழ்ந்திருக்கும் போது பயத்திலும் பதட்டத்திலும் செல்போனில் உரியவர்களை அழைத்து உதவி கோருவது கடினமாக இருக்கலாம். எதிர்பாரமால் விபத்து ஏற்படும் சூழல், உடனடி மருத்துவ உதவி தேவையான் நிலை மற்றும் வன்செயலாளர்களிடம் சிக்கி கொள்ளும் ஆபத்தான நிலைகளில் இந்த செயலிகள் உதவிக்கு வருகின்றன. பெண்கள், குழ்ந்தைகள், வயதானவர்கள் என அனைத்து தரப்பினருக்கும் இவை ஆபத்து காலத்தில் கைகொடுக்கும்.

ஹெல்ப் மீ ஆன் மொபைல்

ஹெல்ப் மீ ஆன் மொபைல் செயலி பாதுகாப்பை விரல் நுனியில் கொண்டு வருகிறது. ஆண்ட்ராய்டு போனுக்கான இந்த செயலியின் மூலம் ஆபத்தான நேரங்களில் குடும்பத்தினர் மற்றும் நண்பர்களுக்கு தகவல் தெரிவித்து உதவி கோரலாம். இந்த செயலியை பயன்படுத்துவதும் எளிதானது. ஆண்ட்ராய்டு போனில் இவற்றை டவுண்லோடு செய்து கொண்டால் போதுமானது.  இந்த செயலியில் உள்ள பாதுகாவலர் பகுதியில் பயனாளிகள் வீட்டில் அறியப்படும் பெயரை குறிப்பிட வேண்டும். அதன் பிறகு பாதுகாவலர்களின் செல்போன் எண்களை குறிப்பிட வேண்டும். தந்தை, சகோதரர், மாமா, நண்பர் ஆகியோரது செல்போன் எண்களை குறிப்பிடலாம். ஆபத்தில் சிக்கி கொள்ளும் நிலை ஏற்பட்டால் , இந்த செயலியின் உதவி தேவை பகுதியை கிளிக் செய்தால் போதும் , அதில் குறிப்பிடப்பட்டுள்ள நபர்களுக்கு அந்த கோரிக்கை குறுஞ்செய்தியாக போய் சேர்ந்துவிடும். மேலும், பயனாளியின் இருப்பிடம்  ஜிபிஎஸ் மூலம் சுட்டிக்காட்டப்பட்டிருக்கும். அது மட்டும் அல்லாமால் , செல்போனில் இருந்து ஆபத்து எச்சிரிக்கை ஒலி கேட்டிக்கொண்டே இருக்கும். இதில் அருகே உள்ளவர்களை உதவிக்கு அழைக்கும் அபயக்குரலாக செயலபடும்.
 

இந்த செயலியை பெண்கள் விஷமிகள் மத்தியில் சிக்கி கொண்டால் அல்லது முன்பின் தெரியாதவர்களால் பின் தொடர்ப்பாட்டால் பயன்படுத்தலாம். மேலும் விபத்து நேரங்களிலும் பயன்படுத்தலாம்.
அதே போல, எங்காவது சென்றிருக்கும் போது எதிர்பார்த்ததை விட கூடுதல் நேரம் ஆகிவிட்டால் , இதில் உள்ள நான் இங்கிருக்கிறேன் வசதி மூலமாக பயனாளிகள் தங்கள் இருப்பிடத்தை பாதுகாவலர்களுக்கு தெரிவிக்கலாம். செல்போன் சார்ந்த மதிப்புகூட்டப்பட்ட சேவைகளை வழ்ங்கி வரும் ஆன்மொபைல் நிறுவனம் இந்த செயலியை உருவாக்கி உள்ளது. நிறுவன இணையதளம் மற்றும் கூகிள் பிலே ஸ்டோரில் தரவிறக்கம் செய்யலாம்.

இணையதள முகவரி; http://www.helpme-onmobile.com/

https://play.google.com/store/apps/details?id=com.onmobile.helpme&feature=search_result#?t=W251bGwsMSwxLDEsImNvbS5vbm1vYmlsZS5oZWxwbWUiXQ..

 

நிர்பயா செயலி.

ஆபத்தில் சிக்கி கொள்ளும் பெண்களுக்கு உதவுவதற்காகவே உருவாக்கப்பட்டுள்ள செயலி இது. கடந்த ஆண்டு தில்லியில் வன்செயலாலர்களின் கொடுரத்துக்கு பலியான இளம்பெண் நிர்பயா பெயரில் உருவாக்கப்பட்டுள்ளது. நிர்பயாவுக்கு நேர்ந்த கதி இனி வேறு எந்த பெண்ணுக்கும் ஏற்படாமல் தடுக்க உதவும் வகையில் இந்த செயலியை ஸ்மார்ட் கிலவுட் இன்போடெக் நிறுவனம் வடிவமைத்துள்ளது. நிர்பயா – பி பியர்லெஸ் எனும் பெயரிலான இந்த செயலியில் உதவி தேவை எனும் செய்தியை குடும்பத்தினர் மற்றும் தெரிந்தவர்களுக்கு அனுப்பி வைக்கலாம். அதே போல உதவி தேவை எனும் தகவலை பேஸ்புக் பக்கத்திலும் நண்பர்கள் மத்தியில் பகிர்ந்து கொள்ள இந்த செயலி வழி செய்கிறது. விஅப்த்து மற்றும் மருத்துவ அவசர நிலைகளிலும் இந்த செயலியை பயன்படுத்தலாம். குடும்பத்தினர் தவிர காவல்தூறையினர் , மருத்துவமனை மற்றும் அவசர உதவி எண்கள் ஆகியவற்றுக்கும் உடனயாக தகவல் அனுப்ப முடியும். ஆண்ட்ராட்யு, ஐபோன் விண்டோஸ் போன் என எல்லாவற்றிலும் பயன்படுத்தலாம். ஆங்கில் மொழியிலானது.

இணையதள முகவரி; http://www.smartcloudinfotech.com/nirbhaya.html

ஆறு பேர் வட்டம்.

சர்கில் ஆப் 6 செயலி , ஆபத்து காலத்தில் மட்டும் அல்லாது சிக்கலான எந்த சூழலிலும் உதவி கிடைக்கசெய்கிறது. இந்த செயலியில், உங்கள் உதவி வட்டத்தில் ஆறு நபர்களின் தொடர்பு எண்களை குறிப்பிடலாம். உதவி தேவைப்படும் சூழலில் இந்த ஆறு பேருக்கும் பயனாளியின் இருப்பிடம் பற்றிய விவரத்துடன் தகவல் தெரிவிகக்ப்படும். மூன்று விதமான உதவிகளை கோரலாம். ஆபத்து இல்லை ஆனால் அச்சமூட்டும் சூழலில் இருந்தால் , உடனே வந்து அழைத்து செல்லுமாறு செய்தி அனுப்பலாம். இதற்காக கார் ஐகானை கிளிக் செய்தால் போதும். பெரும் ஆபத்து என்றால் , உதவி தேவை என்னும் தகவல் தெரிவிக்கலாம். இதே போலவே மிகவும் அறுவையான ஆசாமிகளிடம் மாட்டிக்கொண்டால் வந்து காப்பற்றுங்கள் எனும் செய்தியையும் அனுப்பலாம். குடும்ப சிக்கல் அல்லது காதல் விவகாரம் போன்றவ்ற்றால் மன் உளைச்சலுக்கு ஆளாகி இருந்தால் ஆலோச்னை மற்றும் ஆறுதல் தேவை என்றும் செய்தி அனுப்பலாம். அவசர எண்களை தொடர்பு கொள்ளும் வசதியும் இருக்கிறது. சர்வதேச அலவிலான செயலி இது. ஆங்கிலம் தான் பிரதான மொழி என்றாலும் இப்போது இந்தி மொழி வசதியும் சேர்க்கப்பட்டுள்ளது. ஆண்ட்ராட் ,ஐபோன் இரண்டிலும் செயல்படுகிறது.
 

அமெரிக்காவில் பயனுள்ள செயலிகளுக்காக வெள்ளை மாளிகை நடத்திய போட்டியில் தேர்வான செயலி இது,.

இணையதள முகவரி; http://www.circleof6app.com/

Read More

கணினி ரகசியத் தன்மையை பாதுகாப்பது எப்படி

DES Data Encryption Standard: மிகவும் பிரபலமான என்கிரிப்ஷன் முறை. இது 56-பிட் கீ மற்றும் பிளாக் சைபர் (Block Cypher Method) வழியினைப் பயன்படுத்தி டேட்டாவினை 64 – பிட் அடங்கிய தொகுப்புகளாக மாற்றுகிறது. அதன் பின் அதனை என்கிரிப்ட் செய்கிறது.

Cryptography: தொடர்புகளின் ரகசியத் தன்மையைப் பாதுகாப்பதில் இதுவும் ஒரு வழி. இந்த என்கிரிப்ஷன் முறையில் டேட்டா முற்றிலும் மாறான வழியில் அமைக்கப்படுவதாகும். புரிந்து கொள்ள முடியாத பார்மட்டில் டேட்டா பதியப்படும். இதனை மீண்டும் பெற மிகவும் எளிதில் புரிந்து கொள்ளமுடியாத ரகசியமாகத் தயாரிக்கப்படும் கீ கொண்டே முடியும்.

Read More

அதிவேக இணையத்தை முறையாக பயன்படுத்துவது எப்படி?

நம் வீட்டிலோ அல்லது அலுவலகத்திலோ இணையத்தை பயன்படுத்த நினைப்போம். அதிவேக இணையம் என்ற விளம்பரத்தில் மயங்கி, புதிய இணைப்பு ஒன்று வாங்கி விடுவோம். ஆனால் வாங்கிய பிறகு நடப்பது வேறு. இணையத்தில் ஒரு வலைத்தளத்தை கிளிக் செய்துவிட்டு, சாப்பாடு சாப்பிட்டு விட்டு வரலாம் என்று தோன்றும். அவ்வளவு மெதுவாக இணையம் வேலை செய்யும்.

எந்த விதமான வேகத்தடையும் இல்லாமல் அதிவேகமாக இணையத்தைப் பயன்படுத்து குறித்து இப்போது பார்ப்போம்.

இணைய இணைப்பு கிடைக்கும் முன்பு வரை நமக்கு இணைப்பின் வேகம் என்றால் பெரிதாக ஏதுவும் தெரிந்திருக்க வாய்ப்பில்லை. ஆனால் பயன்படுத்திய சில நாட்களில் அல்லது சில மாதங்களில் பிறகுதான் நமக்கு தெரியும். நாம் தேர்ந்தெடுத்து இருக்கும் இணையத்தின் பிளான் அன்லிமிடட் என்றால் அதற்கு தகுந்தாற் போல் குறைவான வேகமே இருக்கும் இந்தப் பிரச்சனையை நீக்கி முழு இணைய வேகத்தையும் பெற செய்யும் வழி முறையை இன்று பார்க்கலாம்.

இணைய இணைப்பின் வேகம் நாடுகளுக்கு நாடு வேறுபட்டாலும் ஒரு சில நாடுகளில் இணையத்தின் வேகம் எல்லோருக்கும் ஒரே மாதிரியாக இருப்பதில்லை. இதற்காக நாம் பெரிதாக எதையும் செய்ய வேண்டிய அவசியம் இல்லை. நம் கணினியில் ஒரு சிறிய மாற்றம் செய்து இணையத்தின் முழு வேகத்தையும் எந்தத் தடையும் இல்லாமல் பயன்படுத்தலாம்.

சாதாரணமாக அன்லிமிடெட் இணைய (Unlimited Internet) இணைப்பு தான் எல்லோருக்கும் கொடுக்கப்பட்டிருக்கும். இதில் இணைப்பு வேகம் குறைந்தபட்சமாக (Limited Speed) இருக்கும். பல மணி நேரம் செலவு செய்துதான் பெரிய அளவிளான கோப்புகளை டவுன்லோட் செய்ய முடியும். இதைத் தவிர்த்து அதிவேகமாக இணையத்தைப் பயன்படுத்துவது எப்படி என்பதைப் பற்றி பார்க்கலாம்.

விண்டோஸ் எக்ஸ்பி ( Windows XP ) கணினி வைத்திருப்பவர்களுக்கு மட்டுமே இந்த முறை வேலை செய்யும். முதலில் Start Button -ஐ சொடுக்கி Run என்ற ஆப்ஷனைத் தேர்ந்தெடுக்க வேண்டும், Run விண்டோவில் gpedit.msc என்று தட்டச்சு செய்த்து Ok பொத்தானை அழுத்த வேண்டும். அடுத்து வரும் திரையில் இணையத்தின் அபார வளர்ச்சி Computer Configuration என்ற மெனுவிற்கு அடியில் இருக்கும் Administrative Templates என்பதை தேர்ந்தெடுத்து அதில் வரும் sub menu -வில் Network என்பதை தேர்ந்தெடுத்து அதில் வரும் Sub menu வில் QoS Packet Scheduler என்பதை அழுத்த வேண்டும். இதில் Limit Reservable Bandwidth என்பதை அழுத்தி, Enabled என்பதை தேர்ந்தெடுத்து அதற்கு அடியில் இருக்கும் Band width Limit என்பதில் 4% கொடுத்து Ok பொத்தானை அழுத்தி சேவ் செய்து வெளியே வரவேண்டும். அடுத்து கணினியை ஒரு முறை restart செய்து பாருங்கள். இணைய இணைப்பின் வேகம் இப்போது முழுமையாகத் தெரியும்.

Read More

ஓங்கி அடிச்சா “5G” வேகம்டா!

சூர்யா, எதிர்காலத்தில் நடிக்கும் படத்தில் மேற்கூறியது போல வசனம் பேசினால் ஆச்சர்யப்படுவதற்கில்லை . உலகளவில் இணைய வேகத்தில் தாறுமாறாக இருப்பது தென் கொரியா தான். அண்ணன் அமெரிக்கா உலகிற்கே ராசாவாக இருந்தாலும், இணையத்தில் சிப்பாய் அளவில் தான் தென் கொரியாவிடம் இருக்கிறார். என்ன முக்கினாலும் தென் கொரியாவில் ராணுவத்தைத் தான் மிரட்டிக் கொண்டு இருக்க முடிகிறதே தவிர, இணைய வேகத்தை பிடிக்க முடியவில்லை. Image Credit - www.mrwallpaper.com

உலகளவில் இணையத்தில் தென் கொரியா தான் அசைக்க முடியாத இடத்தில் இருக்கிறது. இந்தியா குறைந்தது 15 – 20 ஆண்டுகளாவது பின் தங்கி இருக்கும் என்றால், கற்பனை செய்து கொள்ளுங்கள். எங்கள் நிறுவனத்தில் ஒரு ப்ராஜக்ட்க்காக தென் கொரியாவில் 10 வருடங்களுக்கு முன் ஒரு வங்கிக்காக பணி புரிந்தார்கள், அப்போதே அங்கே இணைய வேகம் 100 MB இருந்தது என்று கூறுவார்கள். நம்ம ஊரில் தற்போது தான் 25 MB வந்து இருக்கிறது. 100 MB கொடுக்கிறார்கள் ஆனால், அதிக கட்டணத்தால் வெகுஜன பயன்பாட்டிற்கு இன்னும் வரவில்லை.

தென் கொரியா தற்போது மொபைல் இணையத்தில் 5G வேகத்தைக் கொண்டு வர முயற்சி செய்து கொண்டு இருக்கிறார்கள். 1.6 ட்ரில்லியன் பணம் இதற்காக ஒதுக்கி இருக்கிறார்கள். 4G LTE வேகமே செமையாக இருக்கும் இதில் 5G வந்தால்…! 5G வேகம் 4G LTE ஐ விட 1000 மடங்கு அதிகமாக இருக்கப் போவதாக கூறுகிறார்கள். என்னது 1000 மடங்கா!!! எப்படி இருக்கும் பாருங்க. இவர்களின் கணிப்புப் படி 800 MB திரைப்படம் தரவிறக்கம் [Download] ஆக ஒரு நொடி தான் ஆகுமாம்! (தப்பா சொல்லல நிசமாத் தான்) News Credit – Mashable.com

சிங்கப்பூரில் 4G LTE இருக்கிறது. இதுவே வேகமாக இருக்கும் ஆனால், இங்கே அனைவரும் இணையத்தை அதிகம் பயன்படுத்துவதால் Peak நேரங்களில் மெதுவாகத் தான் இருக்கும். எங்க ஊர் கோபியில் Airtel 3G வேகம் சிங்கப்பூர் 4G LTE வேகத்திற்கு இணையாக இருக்கிறது, காரணம் மொபைல் இணையம் பயன்படுத்துபவர்கள் கோபியில் குறைவு என்பதால். சில வினாடிகளில் 30-40 MB தரவிறக்கம் ஆகிறது. இதே சென்னை வந்தால், இந்த வேகம் கிடைக்காது.

இதில் 5G சோதனை அடிப்படையில் 2017 லிலும் அனைவரின் பயன்பாட்டிற்கு 2020 லும் வரும் என்று கூறி இருக்கிறார்கள். ஏன் இவ்வளவு காலம் எடுக்கிறது என்று புரியவில்லை. இதற்கு முன்பு வேகமாக வந்தவர்கள், 5G க்கு ஏன் இவ்வளவு காலம் எடுக்கிறார்கள் என்று தெரியவில்லை. என்னைப் பொருத்தவரை இவர்கள் திட்டமிட்ட காலத்திற்கு முன்பே 5G தொழில்நுட்பம் வந்து விடும் என்று நினைக்கிறேன்.

3G சேவை பயன்படுத்தினால் சிங்கப்பூரில் 12 GB Data இலவசமாக கொடுத்த தொலைபேசி நிறுவனங்கள் 4G வந்த பிறகு 3 GB தான் கொடுக்கிறார்கள். காரணம், 4G வேகமாக இருப்பதால், வழக்கமாக இணையத்தை பயன்படுத்துவதை விட அதிகம் பயன்படுத்துவோம். உதாரணத்திற்கு இணையத்தில் நீங்கள் பார்க்கும் திரைப்படம் Buffer ஆகாமல் வந்தால் இரண்டு படம் கூட பார்ப்பீர்கள் ஆனால், அதே முக்கிக் கொண்டு இருந்தால், பாதிலேயே நிறுத்தி விடுவீர்கள். தற்போது புரிகிறதா ஏன் குறைவான வேகத்திற்கு அதிக GB யும் அதிகமான வேகத்திற்கு குறைவான GB யும் இலவசமாகக் கொடுக்கிறார்கள் என்று. முன்பு 12 GB இருந்தாலும் அதில் நான் 1.5 GB தான் பயன்படுத்தி இருப்பேன். 4G வந்த பிறகு 3 GB கூட போதவில்லை.

5G வந்து இணையம் செலவு குறைவாக மாறினால் எதிர்காலத்தில் Wifi Router ஒவ்வொருவரும் வாங்குவார்களா என்றே சந்தேகமாக இருக்கிறது! ஏனென்றால் தற்போதே என்னுடைய ஒரு நண்பன் அவனுடைய 4G LTE இணைப்பைத் தான் அவனுடைய வீட்டு இணையத்திற்க்கும் பயன்படுத்திக் கொண்டு இருக்கிறான். இனி 5G வந்தால், Wifi வாங்காமல் இதிலேயே வேண்டும் என்றால் [Hotspot] பயன்படுத்திக்கொள்ளும் படி ஆகி விடும் என்று நினைக்கிறேன். இவை இரண்டையும் தனித் தனியாக பாவிப்பவர்கள் மட்டும் Wifi வாங்கிக் கொள்வார்கள்.

Hotpost : நம்முடைய மொபைலையே 3G / 4G LTE இணையத்தின் உதவியால் ஒரு Wifi router போல மாற்றி விடலாம். இதற்கு பெயர் தான் “Hotspot”. என்னடா எதோ ஹாட் ஸ்பாட், கோல்டு ஸ்பாட்ன்னு கொளுத்திப் போடுறாங்களே என்று இது பற்றி தெரியாதவங்க மிரண்டுடாதீங்க! சப்பை மேட்டர்.

இனி எதிர்காலத்தில் மொபைலின் பங்கு தற்போது இருப்பதை விட அபரிமிதமாக இருக்கும். நம்முடைய அனைத்துப் பணிகளையும் மொபைல் மூலமே முடித்து விட முடியும். தற்போதே அப்படித்தான் இருக்கிறது. இந்த நிலையில் 4G LTE யை விட 1000 மடங்கு வேகத்தில் இணைய வேகம் இருந்தால், என்னால் கற்பனையே செய்ய முடியவில்லை. இணையத்தில் Buffer என்றால் என்ன? அது எப்படி இருக்கும்? என்று தான் எதிர்கால சந்ததியினர் கேட்பார்கள். “56 KBPS” வேகத்தில் இருந்து பயன்படுத்திக்கொண்டு இருக்கும் எனக்கு இதன் வளர்ச்சிகளில் கூடவே வருவது ஒரு சந்தோசமான பயணமே! தற்போது 100 MB Fiber வேகம் வரை வந்து இருக்கிறேன் .

கொசுறு – தென் கொரியாவில் இருந்து வந்த நம்ம சிங்கக் குட்டி (அட! பதிவர் 

 பேரு தான்.. பயந்துடாதீங்க) சியோல் (தென் கொரியா தலைநகரம்) ஒளி வெள்ளத்தில் இருக்கும், இரவே பகல் மாதிரி தான் இருக்கும். சிங்கப்பூர் எல்லாம் தள்ளித் தான் நிற்க வேண்டும் என்று கூறினார். சிங்கப்பூரே அருமையாகத் தான் இருக்கு! இதை விட அங்கே அருமை என்றால், எப்படி இருக்கும்!! தென் கொரியா எனக்குப் பிடிக்க ஒரு முக்கியக் காரணம் இருக்கு. அங்கே இருந்து தான் நிறைய ஹாரர் படங்கள் தயாராகி வருது ஆனால், இவங்க பக்கத்து நாட்டுல நிஜமாலுமே திரைப்படங்களை மிஞ்சும் ஒரு ஹாரர் நபர் இருக்கிறார். அவர் யார் தெரியுமா?

One Drive

Google Drive போல மைக்ரோசாப்ட் SkyDrive என்று வைத்து இருந்தது ஆனால், ஏற்கனவே இந்தப் பெயரில் இருந்த நிறுவனம் வழக்கு தொடர்ந்ததால், வேறு வழியில்லாமல் தங்கள் பெயரை மாற்றிக்கொள்வதாக மைக்ரோசாப்ட் அறிவித்து இருந்தது. அதன் படி தற்போது SkyDrive என்பதில் இருந்து OneDrive என்று மாற்றி விட்டது. இனி இதை பிரபலப்படுத்த விளம்பரங்கள் செய்ய வேண்டும். எனக்கென்னவோ Sky Drive என்பதை விட One Drive என்பது Professional ஆக இருப்பதைப் போல தோன்றுகிறது. இந்த One Drive என்பதற்கு “அனைத்தும் இதில் அடக்கம்” என்பதை குறிப்பதாக மைக்ரோசாப்ட் அறிவித்துள்ளது. இந்தப் பெயருக்கு யாரும் இது என்னுடைய “பெட்ரோமாக்ஸ் லைட்” என்று சண்டைக்கு வராமல் இருந்தால் சரி .

கொசுறு 

இது தான் ரொம்ப முக்கியம் என்னோட Blog குறித்த எதிர்கால விருப்பங்களை / திட்டங்களை ஒரு பக்கமாக என்னுடைய தளத்தில் எழுதி இருக்கிறேன். இது என்னுடைய தளத்தின் முகப்பு பக்கத்தில் நிரந்தரமாக இருக்கும். தற்போது என்னுடைய தளத்தில் இதை படித்துக் கொண்டு இருப்பவர்கள் மேலே (அல்லது இந்த சுட்டி) “Future Plan” என்பதை க்ளிக் செய்து படிக்கலாம். இவ்வளவு நாளாக (வருடங்களாக!) என்னுடைய தளத்திற்கே வராமல் ரீடர் மற்றும் மின்னஞ்சலில் மட்டுமே படித்து மங்களம் பாடிட்டு இருப்பவர்களுக்கு ரீடரில் / மின்னஞ்சலில் இது வராது ஹா ஹா. நீங்க இதைப் படிக்க என்னுடைய தளத்திற்கே வந்தே ஆக வேண்டும் வேறு வழியே இல்லை .

Read More

பேஸ்புக்கிற்கு இன்றுடன் 10 வயது

சமூக வலைத்தளத்தில் ஆதிக்கம் செலுத்தி வரும் பேஸ்புக் இணையத்தளமானது தனது 10ஆவது பிறந்த நாளை இன்று கொண்டாடுகிறது.

 

பேஸ்புக்கி ஸ்தாபகரான அமெரிக்காவைச் சேர்ந்த மார்க் ஸூகர்பேர்க் சக நண்பர்களுடன் சேர்ந்து ஹார்வர்ட் பல்கலைக்கழகத்தின் ஒரு சிறிய அறையில் 2004ம் ஆண்டு பெப்ரவரி 4ஆம் திகதி பேஸ்புக் இணையதளத்தைத் தொடங்கினார்.

 

அப்போது பல்கலைக்கழக மாணவராக இருந்த மார்க், சக மாணவர்களுக்கிடையே ஓர் இணைப்பை ஏற்படுத்த இந்த இணையதளத்தை உருவாக்கினார்.

 

இப்போது பேஸ்புக் உபயோகிப்பாளர்களின் எண்ணிக்கை 120 கோடியைத் கடந்து விட்டது.

 

கடந்த 2012ஆம் ஆண்டில் பேஸ்புக்கின் ஆண்டு நிகர வருமானம் 53 மில்லியன் டொலராக இருந்தது. 2013-ம் ஆண்டில் அதன் வருமானம் இருமடங்கு அதிகரித்து 1.5 பில்லியன் டொலராக உயர்ந்துள்ளது.

 

பேஸ்புக்கின் ஸ்தாபகர் மார்க் ஸூகர்பேர்க் கடந்த மே மாதம் தனது 30அவது பிறந்த நாளைக் கொண்டாடுகையில், இந்த இணையதளம் உலக கோடீஸ்வரர்களில் ஒருவராக என்னை உயர்த்தும் என்று கனவில் கூட நினைத்துப் பார்க்கவில்லை என்று தெரிவித்திருந்தமை குறிப்பிடத்தக்கது.

Read More

Sim Card இல் அழிந்து போன தகவலகளை மீட்பது எப்படி?

சிம் cardல் அழிந்து போன தரவுகளை மீண்டும் பெற வேண்டுமா? நாம் சேமித்து வைத்திருந்த ( Phone Book Numbers, Call History, Sms போன்றவற்றை பெற்றுக்கொள்ள இதோ சிறிய மென்பொருள் ஒன்று. Sim Card Recovery 3.0 என்ற மென்பொருளின் மூலம் நமது தரவுகளை மீட்டிக்கொள்ள முடியும். இந்த மென்பொருளை இலவசமாக தரவிறக்க Trile Verision ஆகதான் தரவிறக்க முடியும். இதன் மூலம் எமது தரவுகளை மீட்டிக்கொள்ள முடியும். இதை பணம் கொடுத்து வாங்கினால் நாம் sim வாங்கியதிலிருந்து அழிந்த தரவுகளை மீளப்பெற முடியும்.

அதன் லின்க்

மென்பொருளை தரவிறக்க கீழுள்ள link மூலம் செல்லுங்கள்.

http://www.mediafire.com/download/skyx0y79qamp65k/simcard+recovery.rar

Read More

FAX இயந்திரம் தேடி அலைய தேவையில்லை - இலவசமாக பேக்ஸ்(FAX) அனுப்ப இணையதளங்கள் தயார்!

நீங்கள் யாருக்கு வேண்டுமானாலும் Fax அனுப்பலாம். இப்போது fax இயந்திரம் தேடி அலைய தேவையில்லை. ஆன்லைன் மூலம் எளிதாக அனுப்பலாம். குறிப்பிட்ட கோப்பை இணைப்பாக இணைத்து அனுப்பிவிடலாம். இதனை சில தளங்கள் வழங்குகின்றன. இவைகளில் விளம்பரங்கள்இணைக்கப்பட்டு அனுப்பபடுகின்றன அல்லது ஒரு நாளைக்கு இரண்டு முறை மட்டும் என்ற நிபந்தனைகளுடன் உங்களுக்கு கொடுக்கிறார்கள் கீழே உள்ள உள்ள இணையத்தளசேவையினர்.

அவை

GotFreeFax
FaxZero

Read More

செயற்கை மதிநுட்ப மென்பொருள் மூலம் ஓர் இரவில் மாபெரும் கோடீஸ்வரர்

மனிதர்களைப் போன்று கணினிகள் சிந்திப்பதற்கு வழிவகை செய்யக்கூடிய செயற்கை மதிநுட்ப மென்பொருளை விருத்தி செய்வதற்காக தன்னால் உருவாக்கப்பட்ட கம்பனியை கூகுள் நிறுவனத்திற்கு விற்றதன் மூலம் பிரித்தானியாவைச் சேர்ந்த கணினி மேதையொருவர் ஒரு நாளில் மாபெரும் கோடீஸ்வரராகியுள்ளார்.


நரம்பியல் விஞ்ஞானியான டெமிஸ் ஹஸ்ஸபிஸ், (37 வயது) இரு வருடங்களுக்கு முன் கணினிகள் மனிதர்களைப் போன்று சிந்திப்பதற்கு உதவும் முகமாக டீப்மைன்ட் டெக்னோலொஜிஸ் நிறுவனத்தை பிறிதொருவருடன் இணைந்து ஸ்தாபித்தார்.
லண்டனை தளமாகக் கொண்டு செயற்படும் அவரது கம்பனி வர்த்தக ரீதியாக எதனையும் உற்பத்தி செய்யாத செயற்கை மதிநுட்பத்துறையில் முன்னோடியாக அது கொண்டுள்ள நிபுணத்துவ ஆற்றலை கவனத்திற் கொண்டு அக் கம்பனியை 242 மில்லியன் ஸ்ரேலிங் பவுண் விலைக்கு கூகுள் வாங்கியுள்ளது.
இது கூகுளால் ஐரோப்பாவில் மேற்கொள்ளப்பட்ட மிகப் பெரிய தனியொரு உள்வாங்கல் நடவடிக்கையாக கருதப்படுகிறது.
இது தொடர்பில் ஹஸ்ஸபிஸ் விபரிக்கையில், ''கூகுளுடன் இணைவது குறித்து நாம் பெரிதும் பரவசம் அடைந்துள்ளோம்'' என்று கூறினார்.
75 ஊழியர்களுடன் செயற்படும் டீப்மைன்ட் டெக்னோலொஜிஸ் கம்பனியை பேஸ்புக் இணையத்தள நிறுவனமும் கொள்வனவு செய்யத் திட்டமிட்டிருந்ததாக தெரிவிக்கப்படுகிறது.

Read More

நம்மில் பலர் மைக்ரோசாப்ட்டின் ஆபீஸ் தொகுப்பில் உள்ள பவர்பாய்ன்ட் செயலியை பயன்படுத்தி வருவோம். எளிய முறையில் தகவல்களை தொகுத்து அனிமேஷன் வேலைகளுடன் வழங்க உதவும். இதன் பயன்பாடுகள் விரிவானவை.

இவ்வாறு பவர்பாய்ன்ட் மூலம் உருவாக்கிய கோப்புகளை மற்ற கணினிகளில் வேலை செய்ய வைக்க அந்த கணினிகளில் பவர்பாய்ன்ட் அல்லது பவர்பாய்ன்ட் வியுவர் தேவைப்படும். இவற்றை வீடியோ கோப்புகளாக மாற்றுவது பவர்பாயிண்ட்டில் இயலாத காரியம். வீடியோவாக மாற்றினால் கணினி, மொபைல் டிவிடி பிளேயர் என்று பயன்படுத்தி கொள்ளலாம்.

Leawo PowerPoint to Video Free. இந்த இலவச மென்பொருள் மூலம் மேற்சொன்ன வேலையை செய்ய வைக்க முடியும். பவர்பாய்ன்ட் கோப்புகளை ASF, WMV, 3PG, 3G2 வீடியோ கோப்புகளாக மாற்றிக் கொள்ளலாம். இந்த மென்பொருளை இந்த சுட்டியை கிளிக் செய்து தரவிறக்கி நிறுவி கொள்ளுங்கள்.

PPT, POT, PPTX, PPS என்று அனைத்து விதமான பவர்பாயிண்ட் கோப்புகளையும் ஆதரிக்கும். அனைத்து அனிமேஷன்களும் வேலை செய்யும். வீடியோவிற்கு இசையை தனி டிராக்காக சேர்த்து கொள்ளலாம். இவ்வாறு உருவாக்கப்பட்ட வீடியோக்களை யுடியுப் மாதிரியான தளங்களிலும் பகிர்ந்து கொள்ள முடியும்.

Read More